शिक्षकहरू परीक्षार्थी बने पछि ६ दिन विद्यालय बन्द

चैत्र १४, धनुषा । धनुषाका विद्यालयहरु ६ दिनका लागि बन्द हुने भएको छन । शिक्षकहरु खुल्ला तथा बढुवासम्बन्धी प्रयोगात्मक परीक्षामा सहभागी हुने भएका छन त्यसकारण धनुषाका विद्यालयहरु ६ दिनका लागि बन्द हुने भएको छन ।

शिक्षक सेवा आयोगले लिने माध्यमिक, निम्न माध्यमिक र प्राथमिक तहमा विद्यालयका स्थायी, करार तथा राहत शिक्षकहरु परीक्षार्थी हुने भएकाले ६ दिन विद्यालय बन्द गर्न शिक्षा विकास तथा समन्वय इकाई, धनुषाले सबै पालिकालाई अनुरोध गरेको हो ।

शिक्षा विकास तथा समन्वय इकाई धनुषाका प्रमुख युक्तप्रसाद शर्माले जिल्लाका १८ वटै पालिकालाई पत्राचार गरी वर्षे बिदाबाट कट्टा हुनेगरी चैत १३ देखि १८ गतेसम्म ६ दिन विद्यालयहरु बन्द गरिदिन अनुरोध गरेका छन् ।

शिक्षक पेशागत संघ संगठनका अध्यक्षहरुको टेलिफोन अनुरोध अनुसार विद्यालय बन्द गरिदिन सिफारिश साथ अनुरोध गरिएको इकाई प्रमुख शर्माले पालिकाहरुलाई पठाएको पत्रमा उल्लेख गरिएको छ ।