विद्यार्थी परिषद् नेपालको राष्ट्रिय पूर्णकालिक वर्ग पोखरामा सम्पन्न

चैत्र ७, पोखरा । प्राज्ञिक विद्यार्थी परिषद् नेपालको राष्ट्रिय पूर्णकालिक वर्ग पोखरामा सम्पन्न भएको छ ।
यही चैत्र  ४, ५ र ६ गते कार्यकर्ताहरुलाई वैचारिक रुपमा सशक्त बनाउनका लागि पोखराको भलाम हरिहर गुफा एवं आश्रममा चार दिवसिय वर्ग सम्पन्न भएको हो ।

विगत २७ बर्ष देखि कलेज विश्वविद्यालयमा निरन्तर कार्य गर्दे आईरहेको विद्यार्थी परिषद्ले संगठनको योजनामा रहेर पुरा समय सांगठनिक र सामाजिक काम गर्ने कार्यकर्ताहरुलाई बौद्धिक, शारिरिक, वैचारिक, मानसिक र सांगठनिक परिपक्कता र निखरता ल्याउनका लागि चार दिने पूर्णकालिक कार्यकर्ता प्रशिक्षण वर्ग संचालन गरेको थियो ।

प्रशिक्षण अर्थात वर्गमा देशभरको कार्यलयहरुमा पूर्णकालिक रुपमा काम गर्ने ३० जना भन्दाबढी नगर र जिल्लाका विद्यार्थी विस्तारक, विभाग र प्रदेशका संगठन सचिवहरुलाई संगठनका राष्टिय संगठन सिचव नारायण प्रसाद ढकाल, सह संगठन सचिव रमेश कण्डेल, राष्ट्रिय अध्यक्ष डा गोपीनाथ कण्डेल, पूर्व राष्ट्रिय अध्यक्ष प्रा.डा. रामजी गौतम , अखिल भारतिय विद्यार्थी परिषद्का राष्ट्रिय संगठन सचिव माननिय आशिष चौहान, परिषद्का पूर्व राष्ट्रिय संगठन सचिव एवं हिन्दू स्वयंसेवक संघका राष्ट्रिय प्रचार प्रमुख डा.दीपक कुमार अधिकारीज्यूहरुले अलग अलग विषयहरु वैचारिक अधिष्ठान, कार्यकर्ता गुण र व्यवहार, कार्यकर्ताको सिप र गुणको विकास, अर्थ संकलन, कार्यालय व्यवस्थापन, सम्पर्क अभियान, विविध कार्यक्रमहरु, विद्यार्थी संघ संगठनहरु र संस्थानिय सरकारहरु सँगको समन्वयन आदि विषय बस्तुहरुमाथी चार दिन सम्म प्रशिक्षण प्रदान गरिएको थियो ।

गत बिहीवार देखि संचालन भएको कार्यक्रमको बौद्ध धर्मगुरु खेन रिम्पोछे शिर लामा गुरुङ्गले उद्घाटन गर्नुभएको थियो भने कार्यक्रममा राष्ट्रिय अध्यक्ष गोपीनाथ कण्डेल, उपाध्यक्ष अच्युत पन्त, पुष्पराज खतिवडा, हिन्दू स्वयंसेवक संघका राष्ट्रिय प्रचार प्रमुख डा. दीपक कुमार अधिकारी, राष्ट्रिय संगठन सचिव नारायण प्रसाद ढकाल राष्ट्रिय सह संगठन सचिव रमेश कण्डेल,राष्ट्रिय महासचिव छितराज न्यौपाने, अखिल भारतिय विद्यार्थी परिषद्का राष्ट्रिय संगठन सचिव आशिष चौहान त्रिभुवन विश्वविद्यालय केन्द्रिय व्यवस्थापन विभागका विभागिय प्रमुख एवं परिषद्का विशेष आमन्त्रित सदस्य प्रा.डा रामजी गौतम लगायत महत्वपूर्ण व्यत्तिहरुको विशेष उपस्थिति रहेको थियो ।