आन्तरिक राजस्व कार्यालय भरतपुरलाई कार्यालय सामाग्री हस्तान्तरण

चितवन उद्योग वाणिज्य संघले आन्तरिक राजस्व कार्यालय भरतपुरलाई कार्यालय प्रयोजनार्थ आवश्यक उपकरण आइतबार एक कार्यक्रमका विच हस्तान्तरण गरेको छ ।

जेनजी आन्दोलनका कारण जलेर ध्वस्त भएको आन्तरिक राजस्व कार्यालय भरतपुरको कार्यालयको सेवा सञ्चालनलाई सहजीकरण गर्ने उद्वेश्यले ५ थान कम्प्युटर, २ थान प्रिन्टर, ६ थान एसी, ४ थान कम्प्यूटर टेवल, ४ थान कुर्चि र २ थान टि टेवल आन्तरिक राजस्व कार्यालय भरतपुरलाई हस्तान्तरण गरिएको हो । उक्त सामाग्री चितवन उद्योग वाणिज्य संघ र सहयोगी संस्था GIZ RSRSD ले सहयोग गरेको हो ।

कार्यालय प्रयोजन सामाग्री हस्तान्तरण गर्दै संघका अध्यक्ष श्री चिरञ्जीवी सुवेदीले गत भाद्र २४ गते भएको जेनजी आन्दोलनको कारण जलेर भवन तथा भवन भित्रका सामान नष्ट भएका कारण आन्तरिक राजस्व कार्यालयको सेवा पूर्ववत अवस्थामा जस्तै निर्विघ्नताका साथ कार्यालय सञ्चालनमा टेवा पुर्याउने उद्देश्यले कार्यालय प्रयोजनका सामाग्री सहयोग गरिएको बताउनु भएको भयो ।

सहयोग सामाग्री ग्रहण गर्दै आन्तरिक राजस्व कार्यालयका प्रमुख कर अधिकृत श्री पूण्य विक्रम खड्काले चितवन उद्योग वाणिज्य संघ र GIZ RSRSD लाई धन्यवाद दिनुभएको थियो । कार्यालय सामाग्री हस्तान्तरण कार्यक्रममा संघका निवर्तमान अध्यक्ष श्री सुमनकुमार श्रेष्ठ, GIZ RSRSD  का श्री नविन लाल श्रेष्ठ, चितवन उद्योग वाणिज्य संघका, उपाध्यक्ष द्वय श्री नारायण प्रधान, श्री जनक पौडेल, कार्यकारी निर्देशक श्री निलबहादुर के.सी, संघका कार्यसमिति सदस्य एवम् कर्मचारीहरुको सहभागिता रहेको थियो ।