ओखलढुंगामा सुरक्षित आप्रवासन (सामी) कार्यक्रमअन्तर्गत जिल्ला तहमा प्रहरीहरूसँग अन्तरक्रिया तथा अभिमुखीकरण सम्पन्न

ओखलढुंगा । जिल्लामा सुरक्षित, मर्यादित र व्यवस्थित वैदेशिक रोजगारी प्रवर्द्धन गर्ने उद्देश्यसहित सुरक्षित आप्रवासन (सामी) कार्यक्रमअन्तर्गत जिल्ला तहमा जिल्ला प्रहरीहरू र इलाका प्रहरीका इन्चार्जहरूसँग अन्तरक्रिया तथा अभिमुखीकरण कार्यक्रम सम्पन्न भएको छ।
पाै २४ गते विहिवार सिद्विचरण नगरपालिकाकाे आयाेजनामा प्रशासन सम्पन्न कार्यक्रममा जिल्ला प्रहरी कार्यालयका प्रहरी , इलाका प्रहरीका इन्चार्ज स्थानीय तहका प्रतिनिधि नगर प्रमुख तेजन खनाल, प्रशासकीय अधिकृत किसान न्याैपाने, जिल्ला प्रशासका अधिकृत मनाेज बुढा मगर, प्रहरी निरिक्षक, वैदेशिक राेजगार बाेर्ड अधिकृत कृष्णप्रसाद हुमागाईं, सामि हेल्वेटासका अधिकृत रामप्रमेश मण्डल लगायत  सरोकारवाला निकायका प्रमुख तथा प्रतिनिधिहरूको उल्लेखनीय सहभागिता रहेको थियो।

कार्यक्रममा वैदेशिक रोजगारीका क्रममा हुने जोखिम, मानव बेचबिखन तथा ठगी न्यूनीकरण, सुरक्षित आप्रवासनका उपाय, वैधानिक प्रक्रिया र सरकारद्वारा उपलब्ध सेवासुविधाबारे जानकारी प्रदान गरिएको थियो।
कार्यक्रममा सहभागी सुरक्षाकर्मी तथा सरोकारवालाहरूले सुरक्षित वैदेशिक रोजगारीका लागि समुदायस्तरमै सचेतना अभिवृद्धि गर्न समन्वय र सहकार्यलाई थप प्रभावकारी बनाउने प्रतिबद्धता व्यक्त गरेका छन्।

यस्ता कार्यक्रमले वैदेशिक रोजगारीमा जाने नागरिकलाई सही सूचना, सीप र आत्मविश्वास प्रदान गर्दै जोखिम न्यूनीकरणमा महत्वपूर्ण योगदान पुर्‍याउने विश्वास व्यक्त गरिएको छ।
सामी कार्यक्रममार्फत जिल्लामा सुरक्षित आप्रवासनसम्बन्धी सेवाहरूलाई थप सुदृढ बनाउँदै नागरिकलाई वैदेशिक रोजगारीलाई सुरक्षित, सम्मानजनक र लाभदायी बनाउन सहयोग पुग्ने अपेक्षा गरिएको छ।