जनकपुरमा मुस्लिम समुदायद्वारा दुर्गामाताकाे मुर्ति विसर्जनकाे क्रममा हिन्दू समुदायमाथि आ*क्रमण

जनकपुरधाम।

धनुषाकाे जनकपुरधाम उपमहानगरपालिका २० देवपुरा रूपैठामा

  मुस्लिम समुदायले हिन्दूहरू माथि ढंगा मुडा प्रहार गरेपछि दुई  समुदायबीच फेरि तनाब बढेको छ।

दशैं समापनपछि दुर्गामाताको प्रतिमा सेलाउन जाने क्रममा मुस्लिम  समुदायले ढुङ्गामुढा गरेपछि झडप भएको थियो । त्यस क्रममा हिन्दू  समुदायले तेलिया पोखरीको डिलमा बनाएको टहरा आगजनी गरेको छ ।

आक्रोशित भीडले केही अर्को समुदायको घरमा समेत आगजनीको प्रयास गरेको जिल्ला प्रहरी कार्यालय धनुषाका सूचना अधिकारी प्रहरी निरीक्षक संजिव यादवले जानकारी दिए ।

त्यस क्रममा प्रहरीले झडप नियन्त्रणमा लिन र थप क्षति हुन नदिन २३ सेल अश्रुग्यास प्रहार गरेको छ । झडपका क्रममा ढुङ्गामुढाबाट केही प्रहरी र स्थानीय समेत घाइते भएका छन् ।

अवस्था बिग्रेपछि स्थानीय प्रशासनले त्यस क्षेत्रमा कर्फ्यू आदेश जारी गरेको छ । साँझ६:३० बजेदेखि वडा नम्बर २० को विभिन्न स्थानभित्र कर्फ्यू आदेश जारी गरिएको छ।

गत भदौ दोस्रो साता मात्रै गणेश पूजाको मूर्ति विसर्जन गर्ने क्रममा दुई समुदाय बीच झडप भएको थियो । एक समुदायले पोलमा राखेको झण्डा अर्को समुदायले हटाउन खोज्दा विवादपछि दुवै समुदायको झन्डा हटाइएको थियो ।

भदौ १६ गते मात्र सर्वपक्षीय बैठक बसेर विभिन्न निर्णयसँग‌ै सद्भाव कायम गर्ने सहमति भएको थियो । तर आज फेरि हिन्दू समुदायले दशैं सकिए पछि दुर्गामाताकाे मूर्ति विसर्जन गर्न जाने क्रममा मुस्लिमहरूकाे अराजक समुहले हिन्दूहरू माथि आक्रमण गर्न सुरु गरेपछि स्थिति तनाव बनेको हाे ।