३ सचिवको सरुवा, गृह सचिवको जिम्मेवारी दंगाललाई

यस्तै, योजना आयोगका सचिव सुमनराज अर्याललाई रक्षा मन्त्रालयको सचिवको जिम्मेवारी दिइएको छ ।

दंगाल एक वर्ष अघि २०८१ साउनमा अख्तियार दुरुपयोग अनुसन्धान आयोगको सचिवबाट सरुवा भएर रक्षा मन्त्रालयको सचिवको जिम्मेवारीमा आएका थिए ।

योजना आयोगका सचिव अर्यालको भने एक वर्षको अवधिमा ४ पटक सरुवा भएको छ । उनी ६ महिना अघि मात्रै योजना आयोगको सचिवको जिम्मेवारीमा आएका थिए । अर्यालआयोगमा सरुवा भएर आएको ६ महिनामै सरुवा भएको हो । अधिकांश सचिवको कम्तिमा एक वर्षमा सरुवा हुने गरेको भए पनि अर्यालको भने ६ महिनामै सरुवा भएको हो ।

अर्याल योजना आयोगको सचिवको जिम्मेवारीमा आउनु अघि प्रधानमन्त्री तथा मन्त्रिपरिषद्को कार्यालयमा जगेडामा थिए । त्यस अघि उनी युवा तथा खेलकुद मन्त्रालयको सचिवको जिम्मेवारीमा पनि गत वर्ष असोजदेखि पुषसम्म ३ महिना मात्रै बसेका थिए ।