बाढीले रसुवागढी भन्सारका सामानमा क्षति

रसुवागढी  । रसुवागढीमा आएको बाढीका कारण भन्सारमा रहेका मालसामानमा क्षति पुगेको छ । भन्सार विभागका महानिर्देशक महेश भट्टराईले एकीन विवरण आइनसके पनि केही मालवस्तु र सवारीसाधनमा क्षति पुगेको जानकारी दिए ।

‘रसुवागढीबाट बर्खाको समयमा कम मालसामान आयात हुने हुनाले धेरै थिएन’ उनले भने ‘तर जति थियो, त्यसमा क्षति पुगेको छ ।’ मितेरी पुललगायत रसुवागढीको भन्सार यार्ड पनि बाढीले बगाएको उनले बताए ।

‘रसुवागढीमा नयाँ एकीकृत जाँच चौकी (आईसीपी) बन्दै थियो, त्यो बगाएको छ’ उनले भने । बन्दै गरेको भवनसहित अन्य भौतिक संरचनामा क्षति पुगेको उनले बताए । भन्सारका कर्मचारीहरु भने सुरक्षित छन् ।