शिक्षामा सकारात्मक रूपान्तरण ल्याउन लिडरसिप सम्बन्धी प्रशिक्षण

काठमाडौँ २२ असार । निजी तथा आवासीय विद्यालय संगठन ९प्याब्सन० बुढानीलकण्ठ र इम्पेरियल वल्र्ड स्कुलको सहकार्यमा लिडरसिप एण्ड स्कुल कल्चर सम्बन्धी एकदिवसीय विशेष प्रशिक्षण कार्यक्रम आयोजना गरिएको छ । विद्यालयका नेतृत्व, शिक्षक तथा विद्यालय प्रशासकहरूको क्षमता विकास गर्ने उदेश्यले इम्पेरियल वल्र्ड स्कुलमा कार्यक्रमको आयोजना गरिएको हो ।

कार्यक्रमले शिक्षकको नेतृत्व विकास तथा विद्यालयको संस्कृतिमा सकारात्मक रूपान्तरण ल्याउने उद्देश्यका साथ कार्यक्रम आयोजना गरिएको बुढानीलकण्ठ प्याब्सनका अध्यक्ष राधेश्यम श्रेष्ठले बताए । उनले कार्यक्रम सञ्चालन इम्पेरियल वल्र्ड स्कुलको सहयोगमा गरिएको जानकारी दिए । बिहान ९ बजेदेखि ४ बजेसम्म सञ्चालन गरिने कार्यक्रममा शिक्षण पद्धतिका बारेमा आन्तरिक आदान प्रदान, विद्यालयको शिक्षण पद्धतिमा रूपान्तरण कसरी गरिने भन्ने बारे केन्द्रीत रहने बताए ।
शिक्षा क्षेत्रमा अनुभवी प्रशिक्षक दीपक श्रेष्ठ र जुनीता कार्कीले प्रशिक्षण दिएका छन् । पछिल्लो समय विद्यालय नेतृत्वले सिक्नुपर्दैन भन्ने भाष्य रहेपनि विद्यालयको समग्र शिक्षण पद्धति र शिक्षण सिकाईलाई रूपान्तरण गर्न नेतृत्वको महत्वपूर्ण भूमिका रहेको उल्लेख गर्दै स्कुलमा सिक्ने सिकाउने कार्यलाई थप सहयोग गर्ने अपेक्षाका साथ कार्यक्रम आयोजना गरिएको इम्पेरियल वल्र्ड स्कुलकी प्रिन्सिपल जुनीता शाही कार्कीले बताइन । स्कुलको भिजनसँग नेतृत्वलाई अलाइन्स गर्न सके २१ औ शताब्दीको शिक्षा दिन सहज हुने बताउँदै लीडरशिप एण्ड स्कुल कल्चर सम्बन्धी एकदिवसीय विशेष प्रशिक्षणमा छलफल गरिने बताइन ।