चर्चित बाल मन्दिर जग्गा घोटाला: मुद्दा चलाउन महान्यायाधिवक्ता कार्यालयको निर्देशन

काठमाडौँ । नक्सालमा रहेको बहुचर्चित बाल मन्दिर जग्गा घोटालामा मुद्दा चल्ने भएको छ। यस अघि सरकारी वकिल कार्यालयले मुद्दा नचलाउने भनी गरेको निर्णय महान्यायाधिवक्ताको कार्यालयले उल्ट्याइदिएर मुद्दा चलाउन निर्देशन समेत दिएको छ।

तत्कालीन बाल सङ्गठनको अध्यक्ष रिता सिंह वैद्य रहेको बेला उक्त जग्गा अनियमिततामा भएको भनिएको छ। उनी हालका उपप्रधान तथा सहरी विकास मन्त्री प्रकाशमान सिंहकी सहोदर दिदी हुन्।

यस निर्णयसँगै अब बाल मन्दिर जग्गा हिनामिनामा संलग्नलाई ठगी मुद्दा लाग्ने बताइएको छ।  महान्यायाधिवक्ता कार्यालयले मुद्दा चलाउन भन्दै फ़ाईल सरकारी वकिल कार्यालय पठाइसकेको छ।