नेपाली काङ्ग्रेसद्वारा पत्रकारहरूलाई स्वास्थ्य सामग्री वितरण

काठमाडौँ , २० माघ, । काेराेना महामारीको तेस्रो लहर ओमिक्रोन भाइरस फैलिरहेकाे समयमा फ्रन्ट लाइनमा बसेर काम गर्ने सञ्चार गृह तथा पत्रकारहरूलाई नेपाली काङ्ग्रेस बुढानिलकण्ठ नगरपालिकाकाे नेतृत्वममा स्वास्थ्य सामाग्री प्रदान गरिएको छ ।

बुधवार कपन, आकाशेधारामा आयाेजना गरेकाे कार्यक्रममा उक्त सामाग्री पत्रकारहरूलाई हस्तान्तरण गरिएको हो । नेपाली कांग्रेसका महाधिवेशन प्रतिनिधि तथा नेका क्षेत्र नं. ४ का निवर्तमान क्षेत्रीय सचिव विनोद चालिसेको नेतृत्वमा स्वास्थ्य सामाग्री वितरण गरिएको छथियोे । बूढानीलकण्ठ नगरपालिकालाई कार्यक्षेत्र बनाएका फ्रन्टलाइन काम गर्ने पत्रकार तथा सञ्चार गृहलाई मास्क, स्यानिटाइजर जस्ता स्वास्थ्य सामाग्री प्रदान गरिएको थियोे । सोही सामाग्री वितरणका लागि पहिलो खण्ड अन्तर्गत औपचारिक कार्यक्रमको आयोजना गरिएको थियो ।

विभिन्न वक्ताहरूले आफ्नो भनाई राख्दै सञ्चारकर्मी र राजनीतिकर्मी समाजको अभिन्न अंग रहेको र सँगै हातेमालो गर्दै हिँड्न जरुरी भएको बताए । नेपाली कांग्रेस बागमती प्रदेशका महामन्त्री राजु श्रेष्ठको प्रमुख आतिथ्ययतामा गरिएको कार्यक्रममा नेका क्षेत्र नं. ४ का सभापति श्यामकृष्ण संगत, क्षेत्रीय सचिव दामोदर (बद्री) भट्टराई लगायतको उपस्थिति रहेको थियो । राज्यको चौथो अंग भएको नाताले फ्रन्टलाइन बसेर आफ्नो जिउ ज्यानको प्रवाह नगरी काम गर्नु भएका सञ्चारकर्मीलाई केही सहयोग पुगोस् भन्ने उद्देश्यले आफ्नो अगुवाइमा स्वास्थ्य सामाग्री प्रदान गरिएको विनाेद चालिसेले बताए । कार्यक्रममा बोल्दै प्रमुख अतिथि श्रेष्ठले विषम परिस्थितिमा अग्रपङ्क्तिमा सँगै रहेकाहरुसंगको आत्मीय सम्बन्ध बढवा दिन एक माध्यमको रूपमा यस कार्यक्रमको आयोजना गरिएको बुझिदिन आग्रह गरे ।

उनले भने, ‘पत्रकारको व्यवहारिक पक्षमा ध्यानमा राख्दै आफ्नो तर्फबाट गर्ने आवश्यक सहकार्य गरेको छु । जसले गर्दा औपचारिक सम्बन्ध मात्र नभई थप आत्मीय सम्बन्धको विकास हुने रहेछ ।’ औपचारिक कार्यक्रमलाई क्षेत्र नं. ४ प्रदेश (ख) का सचिव मनोज सिग्देलले सञ्चालन गरेका थिए ।