टुँडिखेलमा दश हजार विद्यार्थीमाझ फागुन २ गते संस्कृति ज्ञान परीक्षा हुँदै, यसरी हुनुहाेस सहभागी

काठमाडौं, १९ माघ । टुँडिखेलमा फागुन २ गते दश हजार विद्यार्थी स्वामी विवेकानन्द संस्कृति ज्ञान परीक्षामा सहभागी हुने  भएका छन् । हिन्दू स्वयंसेवक संघ नेपालद्वारा सञ्चालन हुने ज्ञान परीक्षामा काठमाडौं ललितपुर र भक्तपुरका झण्डै दुई सय विद्यालयका दश हजार विद्यार्थीहरू सहभागी हुने संघले जनाएको छ ।

परीक्षामा सहभागी हुन विद्यालय र विद्यार्थीले परीक्षासम्बन्धी पुस्तक लिएर आवेदन दिन सक्नेछन् । परीक्षामा देशको भूगोल, इतिहास, संस्कृति र परम्परासम्बन्धी प्रश्नहरुको उत्तर दिनुपर्नेछ ।

संस्कृति ज्ञान परीक्षामा प्रथम हुनेले ५१ हजार, द्वीतिय, तृतीयका लागि नगद पुरस्कारको व्यवस्था रहेको छ । ४० जनाले सान्त्वना पुरस्कारवापत् प्रति विद्यार्थी एक एक हजार प्राप्त गर्नेछन् ।

परीक्षामा पुस्तक पढेर उत्तर दिनुपर्नेछ । परीक्षा फागुन २ गते हुनेछ भने नतिजा घोषणा पनि परीक्षा सकिएको एक घन्टाभित्र सार्वजनिक गरी पुरस्कार वितरण हुनेछ ।

स्वामी विवेकानन्द संस्कृति ज्ञान परीक्षा हिन्दू स्वयंसेवक संघले प्रत्येक वर्ष गर्दै आएको छ । अहिले देशभर जिल्ला र पालिका तहमा परीक्षा हुने क्रम जारी छ । थप जानकारीकाे लागि तलकाे पेज फलाेगरि त्यहाँको नम्बर सम्पर्क गर्न सक्नु हुने छ  ।

https://www.facebook.com/share/1Dg6aCybrv/

014114534