परिषद्द्वारा शहीद दिवसको सम्झनामा दिपप्रज्वलन

सुष्मा तिमिल्सेना, बर्दिया, माघ १६ । बीर शहीदको सम्झना गर्दै आज भुरिगाउँमा शहीद दिवस मनाइएको छ । नेपाली जनतालाई सार्वभौम सत्ता सम्पन्न नागरिक बनाउन जहानियाँ राणा शासन, निरंकुश पञ्चायती व्यवस्था तथा राजतन्त्रविरुद्ध प्रजातान्त्रिक क्रान्ति एवं लोकतान्त्रिक आन्दोलनमा आफ्नो जीवनको आहूती गरेका वीर सपूतको सम्झनामा वर्षेनी शहीद दिवस मनाउदै आईएको छ ।

प्रजातन्त्र स्थापना एवं पुनःस्थापना तथा विभिन्न कालखण्डमा स्वतन्त्रताका लागि जीवन आहुति दिने सहिदको सम्झनामा प्रत्येक वर्ष माघ १६ गते सहिद दिवस मनाउने गरिन्छ । शुक्रराज शास्त्री, धर्मभक्त माथेमा, दशरथ चन्द र गङ्गालाल श्रेष्ठको सङ्घर्षमय जीवन र बलिदानको गाथा तथा प्रजातान्त्रिक आन्दोलनका अरू योद्धाहरूको योगदानको सम्झनामा हरेक वर्ष माघ १० देखि १६ गतेसम्म ‘शहीद सप्ताह’ गरिन्छ ।

शहीद सप्ताहको अन्तिम दिन आज भुरिगाउँमा शहिदको सम्झनामा दिप प्रज्वलन गरिएको हो । प्राज्ञिक बिदर्थी परिषद नेपाल ठाकुरबाबा नगरकमिटिको आयोजनामा दिप प्रज्वलन कार्यक्रम गरिएको बताइएको छ । जहानियाँ राणा शासन विरुद्धको क्रान्तिमा आफ्नो जीवनको आहुती गरेका र देश तथा जनताको हित र अधिकारका लागि जीवन त्याग गर्ने शहीद प्रतिको सम्झना र सम्मान प्रकट गर्दै दिवसमा दिप प्रज्वलन गरिएको प्राज्ञिक बिद्यार्थी परिषद नेपाल ठाकुरबाबा नगरसमितिका कोषाध्यक्ष लक्ष्मि तिमिल्सेनाले जानकारी दिनुभयो ।

नेपाली जनताले राजनैतिक अधिकार धेरै हदसम्म प्राप्त गरिसकेको र देश विकास र समृदिको मार्गमा अघि बढिरहेकाले शहिदको सपना पुरा गर्न सबै नागरिकहरुको भुमिका अपिरिहार्य रहेको बताइउको छ । यसैबिच शहिद दिवसको अवसरमा गुलरियामा रहेको शहिद पार्कमा शहिदहरुको शालीकमा माल्यार्पण गर्दै शहिद दिवस मनाइएको छ ।