सुपर ओभरमा विजयी हुँदै अन्तिम खेल अघिनै नेपालले जित्यो अमेरिकाविरुद्धको सिरिज

नेपालले दोस्रो टी–२० अन्तर्राष्ट्रिय क्रिकेटमा आइतवार अमेरिकालाई सुपर ओभरमा हराएर तीन खेलको श्रृंखला पनि आफ्नो पक्षमा पारेको छ । निर्धारित २० ओभरको खेल समान १ सय ७० रन भएपछि सुपर ओभरमा पुगेको खेलमा नेपाल विजयी बनेको हो ।

सुपर ओभरमा घरेलु टोली अमेरिकाले दुई विकेट गुमाएर दुई रनमात्र बनाउन सक्यो । नेपालले चार बलमै कुनै पनि विकेट नगुमाई विजयलक्ष्य पुरा गर्यो। नेपालको जितमा सोमपाल कामी नायक बने। खेललाई सुपर ओभरसम्म पु¥याउन र सुपर ओभरमा नेपाललाई जित दिलाउन उनको भूमिका महत्वपूर्ण रह्यो ।

नेपालको जितमा सोमपाल कामी नायक बने। खेललाई सुपर ओभरसम्म पु¥याउन र सुपर ओभरमा नेपाललाई जित दिलाउन उनको भूमिका महत्वपूर्ण रह्यो । यसअघि खेलिएको पहिलो खेलमा नेपालले अमेरिकालाई १७ रनले हराएको थियो। तेस्रो टी-२० अन्तर्राष्ट्रिय खेल सोमबार विहान खेलिने छ। अमेरिकाको टेक्सासस्थित ग्रान्ड प्रेरी स्टेडियममा टस जिती पहिले ब्याटिङको निर्णय लिएको नेपालले निर्धारित ओभरमा ६ विकेट गुमाएर एक सय ७० रनको सम्मानजनक स्कोर तयार पारेको थियो । ठुलो विजयलक्ष्य पछ्याउँदै जवाफी ब्याटिङमा ओर्लिएको अमेरिकाले पनि निर्धारित ओभरमा आठ विकेट गुमाएर एक सय ७० रनमात्र बनाउन सक्यो ।