- २ कार्तिक २०८१, शुक्रबार १५:१५
गोकर्णेश्वर नगरपालिकाले नयाँ आधुनिक भवनबाट आफ्ना नागरिकताको उपचारको थालनी गरेको छ। नगरप्रमुख दीपककुमार रिसालले अस्पतालको नयाँ भवन बिहीबार उद्घाटन गरेका छन् । नगरप्रमुख रिसाल र उपप्रमुख सान्नानी लामाले संयुक्त रूपमा उद्घाटन गरेको भवनले सेवा दिन सुरु गरेको र आधुनिक सबै सेवा उपलब्ध गराउने मेयर रिसालले दाबी गरे ।
देशभर नै उत्कृष्ट स्वास्थ्य सेवा दिएर चर्चामा आएको गोकर्णेश्वरले प्राथमिक स्वास्थ्य केन्द्रबाट नागरिकको उपचार सुरु गरेको थियो । यो सेवा विस्तारको क्रम चलिरहेको र आफ्नो कार्यकालको अन्तिमसम्म सर्वसुलभ रूपमा नागरिकलाई स्वास्थ्य उपचार गराउने मेयर रिसालले बताए ।
उनले सबै नगरवासीको बिमा कार्यक्रम सफलतापूर्वक अघि बढेकाले अबको दुई वर्षमा सबैलाई निःशुल्क स्वास्थ्य सेवा दिने आफ्नो लक्ष्य पुरा हुने बताए । नगरपालिकाले २८ करोड लागतमा गोकर्णेश्वरको वडा नम्बर ४ स्थित जगडोलको शहिदपार्क मुकेश कायस्थ हेड इन्जुरी सेन्टरको पनि निर्माण धमाधम भइरहेको छ। उक्त भवन २०८० फागुनमा सुरु भएको हो भने दुई वर्षभित्र सम्पन्न हुने लक्ष्य राखिएको छ।
सम्वन्धित समाचारहरु
ताजा समाचार
प्रतिकृया दिनुहोस्