शिक्षा मन्त्रालयमा दर्ता भएका कन्सल्टेन्सीले आजदेखि नविकरणका लागि आवेदन दिन पाउने (फारामसहित)

काठमाडाैँ – शिक्षा, विज्ञान तथा प्रविधि मन्त्रालयले शैक्षिक परामर्श दातृ संस्थालाई  नविकरणकाे लागि आवेदन फारम खुलाएकाे छ।

मन्त्रालयले आइतबार सूचना जारी गर्दै स्वीकृति प्राप्त गरेर सञ्चालनमा रहेका तर २०७५ साउन १४ गते यता नवीकरण नभएका शैक्षिक परामर्श दातृ संस्थालाई नविकरण गर्ने जनाएकाे छ।

निर्देशिका बमोजिम संस्था नवीकरण गर्नुपूर्व स्थलगत अनुगमन गरेर मात्र संस्था नवीकरण गरिने मन्त्रालयले जारी गरेकाे सूचनामा उल्लेख छ।

शिक्षा विज्ञान तथा प्रविधि मन्त्रालयबाट सेवा सञ्चालन अनुमतिपत्र प्राप्त गरि सञ्चालनमा रहेका संस्थाको विवरण, नामसारी तथा ठाउँसारीको अवस्था, सेवा प्रदान गरेका विद्यार्थीको विवरण हेरेर मात्र नविरण गर्ने मन्त्रालयले जनाएको छ।

धेरै संस्थाहरु लामो समयदेखि अनुगमन तथा नियमन समेत नभएको र दर्ता नै नभइ परामर्श व्यवसाय सञ्चालनमा आएको गुनासो आएपछि मन्त्रालयले नविकरण गर्ने निर्णय गरेकाे थियाे।

विना अनुमति आफूखुशी सञ्चालन भएका शैक्षिक परामर्श दातृ संस्थालाई पनि नियमन गर्ने मन्त्रालयले जनाएकाे छ।