शिक्षक सरुवा निर्देशिका सामुदायिक विद्यालयको अहितमा भएको भन्दैं महासंघको ध्यानाकर्षण

सामुदायिक विद्यालय व्यवस्थापन समिति महासंघ नेपालले शिक्षा, विज्ञान तथा प्रविधी मन्त्रालयबाट गत जेठ १३ गते जारी गरेको शिक्षक सरुवा सम्बन्धि निर्देशिका २०८१ को केही बुँदाहरुमा असहमति जनाएको छ ।

सोमबार महासंघका प्रतिनीधहरुले शिक्षक सरुवामा विद्यालय व्यवस्थापन समितिको सहमति नचाहिने प्रावधान विरुद्ध असहमति जनाउदैं ठूला दलहरुका प्रमुख सचेतकहरुलाई ध्यानाकर्षण गराएका छन् ।

पछिल्लो समय सामुदायिक विद्यालयहरुलाई विद्यालय व्यवस्थापन समितिहरुले नै उच्च बनाएको कुरा स्मरण गराउदैं ध्यानाकयर्षण गराएका हुन ।

सामुदायिक विद्यलाय व्यवस्थापन समिति महासंघ र विद्यालय व्यवस्थापन समितिजस्ता सरोकारवाला निकायसँग कुनै छलफल समन्वय नगरि ल्याएको  मनगणन्ते निर्र्देशिका सामुदायिक विद्यालयहरु नै ध्यस्त पर्ने र गरिव नेपालीका छोरो छोरीलाई महंगो शुल्क तिरेर नीति विद्यालयतिर पढ्न बाध्य गराउने काम उचित नभएको महासंघका अध्यक्ष गुणराज मक्तानले हस्ताक्षर गरिएको ध्यानाकर्षण पत्रमा भनिएको छ ।

विद्यालय व्यवस्थापन समितिको सहमति विना शिक्षक सरुवाले विद्यालयहरुलाई असर पर्ने भएकाले निर्देशिक तत्काल सच्चाउन दवाव दिइएको महासंघका केन्द्रीय सचिव काशीनाथ दंगालले जानकारी दिनु भयो । समुदायलाई नै बाहिर राखेर विद्यालय चलाउने भन्ने कुरा दुखद हुने उहाँले बताउनु भयाे । सोमबार  नेकपा एमाले, नेपाली कांग्रेस, माओवादी केन्द्र, रास्वपालगाय पार्टीका प्रमुुख सचेतकहरुलाई ध्यानाकर्षण पत्र बुझाइएको उहाँले बताउनु भयो ।

शिक्षा तथा स्वास्थ्य संसदीय समितिका संयोजक अमरबहादुर थापालाईसमेत भेटेर महासंघले ध्यानाकर्षण गराएको महासंघका प्रदेश सचिव हरि कार्कीले जानकारी दिनु भयो । निर्देशिका नसच्चाए देशभरका विद्यलाय व्यवस्थापन समिति र महासंघले आन्दोलन गर्ने उहाँले बताउनु भयो ।