छात्रवृत्तिमा अर्कै व्यक्ति राखिएको विषयमा शिक्षामन्त्री र बंगलादेशका राजदूतबीच छलफल

शिक्षा विज्ञान तथा प्रविधि मन्त्री सुमना श्रेष्ठले बंगालादेशको एमबीबीए र बीडीएसको छात्रवृत्तिका लागि सिफारिस भएका विद्यार्थीको नाम फरक परेको विषयमा दुतावाससंग छलफल गरेकी छिन् ।

सो विषयमा बंगलादेशका राजदूत सलाहुद्दिन नोमान चौधरीसँग छलफल गरेकी हुन् ।

छलफलको क्रममा मन्त्री श्रेष्ठले छात्रवृत्तिका लागि पठाएको विद्यार्थीको नाम तथा व्यक्ति फरक परेको विषयमा जिज्ञासा राखेको उनको सचिवालयले जानकारी दियो।

सो छलफलमा राजदूत चौधरीले यो समस्याको विषयमा बङ्गलादेश सरकार जानकार रहेको हुँदा यथाशीघ्र समाधान गर्ने तर्फ सकारात्मक पहल गर्ने प्रतिवद्धता जनाएको सचिवालयले जानकारी दियो।

छात्रवृत्तिका लागि चिकित्सा शिक्षा आयोगले पठाएको २२ जनाको सूचीमाआयोगले सिफारिस गरेको भन्दा १० जना अन्य विद्यार्थीको नाम सार्वजनिक भएको थियो।