छैठौं चक्र बहादुर स्मृति अन्तर विद्यालय छात्र फुटबल भोलिबाट शुरु हुने

चैत २५, काठमाडौं । छैठौं चक्र बहादुर स्मृति अन्तर विद्यालय छात्र फुटबल प्रतियोगिता–२०८० भोलिबाट शुरु हुने भएको छ । गोकर्णेश्वर नगरपालिकाको सहकार्यमा छहारी युवा क्लबद्वारा आयोजित प्रतियोगिताको उद्घाटन चैत्र २६ गते सोमवार गोकर्णेश्वर ८ स्थित नेपालय पब्लिक स्कुलमा बिहान ११ बजे हुनेछ ।

छैठौं चक्र बहादुर स्मृति अन्तर विद्यालय छात्र फुटबल प्रतियोगितामा १३ विद्यालयले सहभागिता जनाएका छन् । प्रतियोगितामा प्रथम हुने टिमले १५ हजार, द्वितीयले १० हजार र तृतीयले ५ हजार नगदका साथमा शिल्ड, मेडल प्राप्त गर्नेछन् भनें बेष्ट प्लेयर, बेस्ट किपर र बेष्ट हाईस्कोररले समेत ट्रफी पाउनेछन् ।
प्रतियोगिताको उद्घाटन संघीय सांसद तथा अर्थ समितिका सभापति सन्तोष चालिसेको प्रमुख आतिथ्यतामा हुनेछ ।

काठमाडौं क्षेत्र नं. ३ का नेपाली कांग्रेसका लोकप्रिय र प्रभावशाली नेता स्वर्गीय चक्र बहादुर ठकुरीको स्मृतिमा क्षेत्र तथा गोकर्णेश्वर नगरपालिकामा विभिन्न कार्यक्रमहरु हुँदै आएका छन् ।