मेयर गाेपाल हमालकी छोरी आरती भारतबाट सम्पर्कविहीन, खाेजदिन अपिल

चैत्र १३, काठमाडौं । धनगढी उपमहानगरपालिकाका नगर प्रमुख गोपाल हमालकी जेठी छोरी आरती सम्पर्कविहीन भएकी छन् । छोरी भारतको गोवाबाट सम्पर्कविहीन भएकी नगर प्रमुख हमालले सामाजिक सञ्जाल फेसबुक मार्फत जानकारी गराएका छन् ।

आरती केही महिनादेखि ओशो ध्यान गर्न गोवामा बस्दै आएको र सोमवारदेखि बेपत्ता भएको हमालको भनाइ छ । छोरी बेपत्ता भएको बारे उनको साथबाट खबर आएको भन्दै नगर प्रमुख हमालले भनेका छन्, ‘गोवा बस्नु हुने शुभचिन्तक, दाजुभाई र दिदिबहिनीहरुले खोजी कार्यमा सहयोग गरिदिनु हुन विनम्र अपिल गर्दछु ।’