शिक्षक महासंघले आफ्नो माग पूरा नभए देशभर आन्दोलन गर्ने ( यस्तो छन् मागहरू )

बाहिर आएको विद्यालय शिक्षा ऐन २०८०मा प्रबन्ध गरेका केही दफाहरु संविधान प्रदत्त ट्रेड युनियन अधिकार, पेसागत सुरक्षा र स्वभिमान खिलाफमा रहेको भन्दै माग पुरा नभए सडकमा उत्रने चेतावनी दिएको हो ।

महासंघले बिहीबार पद्माेदय  मा.विकाे सभाहलमा आयोजना गरेको  आन्दोलन र माग मुद्दा बारे मानव अधिकारकर्मी, विद्यालय व्यवस्थापन महासंघ तथा अभिभावक महासंघका प्रतिनिधिबीच ‘नयाँ संघीय शिक्षा ऐनमा शिक्षक कर्मचारीका माग मुद्दा सम्बोधन’ सम्बन्धी अन्तरक्रिया कार्यक्रममा सडक आन्दोलनमा जाने तयारी रहेको जनाएको छ ।

अन्तरक्रियामा विभिन्न चरणका आन्दोलन गर्दा पनि सरकारले शिक्षकहरुका माग मुद्दा प्रति सुनुवाई नगरे सडकमा जान बाध्य हुने महासंघको भनाई छ । साथै महासंघमा आवद्ध संघ संगठनहरुले समेत सडक आन्दोलन गरेर माग सम्बोधन गर्न सरकारलाई बाध्यपार्ने बताए । उनीहरुले कुनै हालतमा पनि आफ्ना मागहरु पुरा गरेरै छाड्ने बताउँदै सडक आन्दोलनको तयारी भइरहेको र शिक्षकहरुलाई तयारी अवस्थामा रहन सर्कुलर गरिसकिएको जानकारी दिए । त्यसैगरी मानव अधिकारकर्मी, विद्यालय व्यवस्थापन महासंघ तथा अभिभावक महासंघका प्रतिनिधिलाई आन्दोलनमा सहयोग गर्न आग्रह गरेका छन् ।

कार्यक्रममा बोल्दै नेपाल शिक्षक महासंघकी अध्यक्ष कमाला तुलाधरले सरकारले शिक्षकहरुका माग पुरा नगरेसम्म आन्दोलन नरोकिने र संघीय शिक्षा ऐन संसदमा टेवल हुँदा माग पुरा भएर आउनु पर्ने बताइन । उनले माग सम्बोधन भएर नआए शिक्षकहरु कडा आन्दोलनमा उत्रने बताइन ।

महासंघ साउन २६ गते प्रत्रकार सम्मेलन गरेर आन्दोलनका कार्यक्रम घोषणा गरेको थियो । पहिलो चरण अन्तर्गत साउन २८ गते पालिकाहरुमा शिक्षक कर्मचारी उपस्थित भई ३ घण्टा धर्ना दिने, साउन ३० गते जिल्लाको शिक्षा विकास तथा समन्यमा एकाइमा धर्ना दिने, साउन ३२ गते प्रदेशको सामाजिक विकास मन्त्रालयमा धर्ना दिने, भदौं १ गते संसद सदस्यलाई जानकारी तथा पक्षीकरण लगायतका आन्दोलन गरिसकेको छ ।