पशुपति क्षेत्र विकास कोषले गर्‍यो मारवाडी सेवा समाजसँगको सम्झौता खारेज

सरकारले पशुपति क्षेत्रमा मारवाडी सेवा समाजले कौडीको भाउमा प्रयोग गर्दै आइरहेको जग्गााको सम्झौता खारेज गरेको छ । साथै भाडा पुनरवलोकन गरी सम्झौता गर्न १५ दिनको समय सीमा समेत दिएको छ ।

पशुपति क्षेत्र विकास कोषको बैठकले यस्तो निर्णय गरेको संस्कृति, पर्यटन तथा नागरिक उड्डयन मन्त्रालयले जनाएको छ । यो जग्गामा समाजले पशुपति धर्मशाला चलाइरहेको थियो ।

मारवाडी सेवा समाजले ९ जेठ २०६० देखि क्षेत्र विकास कोषको गौशालामा रहेको ९ रोपनी जग्गा वार्षिक ५१ हजार रूपैयाँमा प्रयोग गर्दै आइरहेको थियो ।

धर्मशालको नाममा शुल्क समेत लिदै आएकोले जनस्तरमा यसको चर्को विरोध भइरहेको बेला कोषले भाडा पुनः मूल्याङ्‍कन गरी सम्झौता गर्न १५ दिनको म्याद दिने निर्णय गरेको हो ।