हाेलिवाई नामबाट चर्चित युनिफिकेसन चर्चको कार्यक्रममा ओलीकाे सम्बोधन

साउन १०, काठमाडौं ।   निर्वाचन पर्यवेक्षणको क्रममा कम्बोडिया पुगेर नेकपा एमालेका अध्यक्ष केपी ओलीले ‘होली वाइन’ भनेर चिनिने विवादास्पद “युनिभर्सल पिस फेडेरेसन” बाट आयोजित कार्यक्रमलाई सम्बोधन गरेका छन। एमाले अध्यक्षले यही साउन ६ गते उक्त कोरियाली क्रिस्चियन धर्म प्रचारक संस्था युनिभर्सल पिस फेडेरेसनको कार्यक्रमलाई सम्बोधन गरेका हुन्।

केही वर्षअघि युनिभर्सल पिस फेडेरेसन ले नेपालमा गरेको कार्यक्रममा तत्कालीन प्रधानमन्त्री तथा नेकपा अध्यक्ष समेत रहेका केपी शर्मा ओली र नेता माधवकुमार नेपाल सहभागी हुँदा चर्को विरोध भएको थियो। त्यसबखत परिवार दलका अध्यक्ष एकनाथ ढकाल उक्त फेडेरेसनका नेपाली एजेण्ट थिए जुन अहिले एमालेबाट सांसद छन्। उक्त अवसरमा आफूलाई नयाँ ‘मसिहा अर्थात उद्धारक दावी गर्ने युनिफिकेसन चर्च का संस्थापक सन म्युङ मुन बाट विवादित “होली वाइन” खाएको भनेर माधवकुमार नेपाल लगायतलाई गम्भिर आलोचनासमेत खेप्नु परेको थियो।