समग्र शैक्षिक चिन्तनका निम्ति प्राज्ञिकद्वारा वीरगन्जमा शिक्षा कार्यशाला आयोजना

 असार ३०, वीरगन्ज ।  देशको समग्र शैक्षिक चिन्तनका निम्ति  प्राज्ञिक विद्यार्थी परिषद् नेपालले वीरगञ्जमा  एक दिने शिक्षा कार्यशाला सम्पन्न गरेको छ  ।

प्राज्ञिकको जानकी प्रदेश ( मधेस प्रदेश) काे आयोजनामा नेपालको समग्र शिक्षाको अवस्था, चुनौती र समाधान विषयक प्रदेश स्तरीय शिक्षा कार्यशाला  आयोजना गरेकाे हाे ।

कार्यशालामा  देशकाे वर्तमान शैक्षिक अवस्थाकाे बारेमा  गम्भीर  विचार विमर्श भएको आयोजकले जनाएको छ ।

एक दिने शिक्षा  कार्यशालाको उद्घाटन मधेश प्रदेशका शिक्षा तथा समाज कल्याण मन्त्री महेश यादवले गर्नु भएको थियोे ।

कार्यशालामा प्राज्ञिक विद्यार्थी परिषद्का राष्ट्रिय संगठन सचिव नारायण प्रसाद ढकाल, राष्ट्रिय परीक्षा बोर्डका अध्यक्ष डा. महाश्रम शर्मा, मधेश विश्वविद्यालयका उपकुलपति प्रा. डा. दीपक शाक्य, त्रिभुवन विश्वविद्यालय वन अध्ययन संस्थानका पूर्व डीन डा. जीबनाथ पाण्डे , शिक्षाविद डा. कृष्ण चन्द्र साह, परिषद्की जानकी प्रदेश अध्यक्ष डा. सुष्मा तिवारी, राष्ट्रिय छात्रा प्रमुख लक्ष्मी कर्ण दत्त, राष्ट्रिय सचिव कविराज न्यौपाने  लगायत प्रदेशका विभिन्न जिल्लाबाट शिक्षकहरूकाे  सहभागीता रहेको विद्यार्थी परिषद्ले जानकारी दिएको छ ।

कार्यशालामा राष्ट्रिय परीक्षा बाेर्डका अध्यक्ष डा.महाश्रम शर्माले  शिक्षाकाे अवस्था, चुनाैती र समाधान विषयमा  कार्यपत्र प्रस्तुत गर्नु भएको थियोे ।   मधेस विश्वविद्यालयका उपकुलपति प्रा.डा. दीपक शाक्य र शिक्षाविद् डा. कृष्ण चन्द्र साहज्युले कार्यपत्रमाथि टिप्पणी गर्नु भएको थियोे ।

का र्यशालामा प्रदेशका विभिन्न जिल्लाबाट शिक्षासँग सरोकार राख्ने शिक्षविद्  विश्वविद्यालयका प्राध्यापक, विद्यालयका शिक्षक शिक्षिका , प्राचार्य एवम् वीरगन्जका व्यावसायिकहरूकाे उल्लेख  सहभागीता रहेको  थियो ।