हिन्दू स्वयंसेवक संघद्वारा सप्तरीकाे भारदहमा पथ सञ्चालन

असार २, सप्तरी । हिन्दू स्वयंसेवक संघ नेपालले पथ सञ्चालन गरेको छ ।
जेठ २२ गतेदेखि सप्तरीकाे भारदहमा सञ्चालन भइरहेको संघ शिक्षा वर्ग पथम बर्षकाे प्रशिक्षणकाे चरणमा शनिबार देशभरबाट उपस्थिति भई प्रशिक्षण लिइरहेका स्वयंसेवकहरूलाई एउटै गणभेषमा भारदह बजारमा सामुहिक पथ सञ्चालन गरि नगर परिक्रमा गरेकाे हाे ।

संघका स्वयंसेवकहरूलाई वैदिक ज्ञान, संस्कार, हिन्दु संस्कृति, बाैद्विक ज्ञान, शारीरिक व्यायाम, याेग अभ्यास, सांगठनिक ज्ञान र ऐतिहासकाे बारेमा जानकारी गराउने र समाजमा वैचारिक, सांस्कृतिक , बाैद्विक र हिन्दूत्व संरक्षणका लागि असल याेग्य व्यक्तिनिर्माणका हेतु संघले हरेक बर्ष संघ शिक्षा वर्ग आयोजना गर्ने गर्दछ ।

समाजका युवाहरूलाई संगठित गर्दै हिन्दुत्वकाे चेतना र जागरणका लागि आफ्नो दैनिकि शाखाकाे माध्यमबाट नेपालमा हिन्दु धर्म संस्कृतिकाे संरक्षण, आयातित धर्म बारे जागरण र समाजमा असल संस्कारी र राष्ट्र प्रेमि व्यक्ति निर्माणकाे यात्रा संघले निरन्तर विगत ३२ बर्षदेखि नेपालमा आफ्नो कार्य गर्दै आइरहेको छ ।