विद्यार्थी परिषद् धनगढी इकाईले गरेकाे त्रि दिवसीय उद्घाेषण तालिम सम्पन्न

जेठ २९, कैलाली । प्राज्ञिक विद्यार्थी परिषद् नेपाल धनगढी नगर इकाई समिति द्वारा आयोजना गरेकाे त्रि-दिवसीय उद्घोषण तालिम सम्पन्न भएको छ ।

वाक कलाकाे विकास गर्ने उदेश्यले कैलालीको धनगढीमा रहेकाे विद्यार्थी परिषद्काे प्रदेश कार्यालयमा यही मिति २०८० जेठ २७ देखि २९ गते सम्म सञ्चालन गरिएकाे त्रि दिवसीय उद्घाेषण तालिम साेमबार सम्पन्न भएको हाे ।
तीन दिन सम्म सञ्चालन भएको तालिमा कार्यक्रम कसरी चलाउने वाककला सम्बन्धि विभिन्न बिषयमा सुरेन्द्र प्रसाद भट्ट,पदमराज भट्ट र दिवस पोखरेलले विशेष प्रशिक्षण प्रदान गरेका थिए ।

तालिमकाे समापन सत्रमा नेपाल पत्रकार महासंघ कैलाली जिल्ला अध्यक्ष हिमाल जोशी , बिद्यार्थी परिषद्का प्रदेश सह-संगठन सचीव मणिराम चौलागाई नगर सचीव सम्पदा जोशी, पत्रकार महेश बडुको विशेष उपस्थितमा उक्त कार्यक्रम समापन भएको छ विद्यार्थी परिषद् धनगढीले जानकारी दिएकाे छ ।