नीति निर्माणमा विद्यार्थी परिषद् : तीन मन्त्रालयमा बुझायो सुझाव पत्र

वैशाख २९, काठमाडौं ।   प्राज्ञिक विद्यार्थी परिषद् नेपालले नेपाल सरकारले नीतिगत सुधारका लागि विशेष ध्यान दिनुपर्ने विषयलाई समेट्दै शिक्षा मन्त्रालय, गृह एवं अर्थ मन्त्रालयसमक्ष सुझावपत्र बुझाएको छ।

परिषद्को नवौँ राष्ट्रिय अधिवेशबाट पारित गरिएका शैक्षिक, समसामयिक र आर्थिक  प्रस्तावहरू शिक्षा, गृह र अर्थ मन्त्राल यमा सुझावकाे बुझाएकाे विद्यार्थी परिषद्का  महासचिव विष्णुप्रसाद पंगेनीजी शिक्षा सञ्चारलाई जानकारी दिनुभएको छ ।

परिषद्ले आफ्नो नवाैँ राष्ट्रिय  अधिवेशनबाट पारित गरिएको    प्रस्तावहरू शैक्षिक प्रस्ताव माननीय शिक्षामन्त्री अशोक कुमार राई,  समसामयिक प्रस्ताव गृह मन्त्रालयका सचिव दिनेश भट्टराईलाई  बुझाइएको छ भने  वैशाख २७ गते काठमाडौँमा सम्पन्न अर्थ सङ्गोष्ठीमार्फत् आएका सुझाव एव धनगढीमा सम्पन्न नवौँ राष्ट्रिय अधिवेशनबाट पारित आर्थिक प्रस्तावलाई समावेश गरेर अर्थ मन्त्रालयका सह-सचिव धनिराम शर्मामार्फत् अर्थमन्त्रालयलाई विशेष सुझाव बुझाइएको  पंगेनीले बताउनु भयो ।

परिषद्का राष्ट्रिय महासचिव विष्णु प्रसाद पंगेनीको नेतृत्वमा गएको प्रतिनिधि टोलीले सम्बन्धित मन्त्रालयमा विभिन्न विषयमा छलफल एवं चर्चा पश्चात् सुझावपत्र बुझाएको थियो विद्यार्थी परिषद्ले
जनाएको छ ।