कागेश्वरीको मुलपानी क्रिकेट मैदान सरसफाई

काठमाडौं बैशाख ३ ।कागेश्वरी मनोहरा नगरपालिकामा रहेको मुलपानी क्रिकेट मैदान सरसफाई गरिएको छ  ।आइतबार नेपाल क्रिकेट संघ (क्यान)  आयोजनामा सोमबारदेखि हुने एसिसी मेन्स प्रिमियर कपलाई लक्षित गरि सरसफाई गरिएको हो।

कागेश्वरी मनोहरा नगरपालिकाको पहलमा भएको उक्त सरसफाइ कार्यक्रममा नेपाल क्रिकेट संघ (क्यान)का अध्यक्ष चतुरबहादुर चन्द  कागेश्वरी मनोहराका नगरप्रमुख उपेन्द्र कार्की उप प्रमुख शान्ता थापा वडा अध्यक्षहरु बिभिन्न राजनीतिक दलका प्रतिनिधि  सामाजिक संघ संस्था सहित स्थानीयको  सहभागिता रहेको थियो।

सो अवसरमा नगर प्रमुख कार्कीलाई नेपाल क्रिकेट संघका पदाधिकारीहरुले मुलपानी किक्रेट मैदानको समग्र अवस्थाका बारेमा जानकारी गराएका थिए।

नगर प्रमुख कार्कीले यहि वैशाख ५ देखि वैशाख १८ सम्म सञ्चालन एसिसी मेन्स प्रिमियर कपलाई भव्य, सभ्य र सुरक्षित रुपले सञ्चालन गर्ने सम्बन्धमा नगरपालिकाले पूर्ण रूपमा तयारी गरेको बताएका थिए ।