छैटौं नेपाल अन्तर्राष्ट्रिय चलचित्र महोत्सव चैत्र २ देखि ६ गतेसम्म हुने

काठमाडौं । छैटौं नेपाल अन्तर्राष्ट्रिय चलचित्र महोत्सव (निफ) आउँदो चैत्र २ गतेदेखि ६ गते (मार्च १६ देखि २०) सम्म हुने भएको छ ।

बुधवार काठमाडौंमा एक कार्यक्रमबीच निफले छैटौं नेपाल अन्तर्राष्ट्रिय चलचित्र महोत्सवको औपचारिक घोषणा गरेको हो । कार्यक्रमबारे जानकारी गराउँदै कार्यक्रमका मिडिया संयोजक दिवस गुरागाईंले आउँदो चैत्र २ गतेदेखि ६ गते (मार्च १६ देखि २०) सम्म छैटौं नेपाल अन्तराष्ट्रिय चलचित्र महोत्सव हुने बताउनु भयो । उहाँले ५५ देशबाट आएका ५ सय बढी चलचित्रको चाङबाट ३५ देशका ९५ चलचित्र छनोट गरिएको बताउँदै विगतमा झैँ यसपटक पनि राष्ट्रिय तथा अन्तर्राष्ट्रिय लामा, छोटा चलचित्र डकुमेण्ट्री तथा एनिमेटेड चलचित्रहरुको ७ विधामा १४ पुरस्कार वितरण गरिने जानकारी दिनुभयो । उहाँले यस पटकबाट निफका प्रतिष्पर्धी चलचित्र सिनेमा हलमा प्रदर्शन गर्ने र क्युएफएक्स सिनेमासँगको सम्झौता अनुसार काठमाडौंको छायाँ सेन्टर सिभिल महल, ललितपुरको लबिङ महल र भक्तपुरको क्युएफएक्स सिनेमा हलमा चलचित्र प्रदर्शन हुने बताउनु भयो । महोत्सवका रचनात्मक कार्यक्रमलाई विशेष महत्व दिनेपनि बताउनु भयो ।
उहाँले भन्नुभयो, ‘कोभिड १९ का कारण चौथो र ५ औं निफ कष्टपूर्ण जनजीवनका बीच गर्नुपरेको थियो । प्रतिष्पर्धामा आएका बाढीले भने हामीलाई उत्साहीत बनाएको छ । ५५ देशबाट आएका ५ सय बढी चलचित्रको चाङबाट ३५ देशका ९५ चलचित्र छनोट गरी विगतमा झैँ यसपटक पनि राष्ट्रिय तथा अन्तर्राष्ट्रिय लामा, छोटा चलचित्र डकुमेण्ट्री तथा एनिमेटेड चलचित्रहरुको ७ विधामा १४ पुरस्कार वितरण गरिनेछ ।
यस पटकबाट निफका प्रतिष्पर्धी चलचित्र सिनेमा हलमा गरिनेछ । क्युएफएक्स सिनेमासँगको सम्झौता अनुसार काठमाडौंको छायाँ सेन्टर सिभिल महल, ललितपुरको लबिङ महल र भक्तपुरको क्युएफएक्स सिनेमा हलमा चलचित्र प्रदर्शन गरिनेछ । विगतमा झैँ महोत्सवका रचनात्मक कार्यक्रमलाई विशेष महत्व दिइनेछ । चलचित्र क्षेत्रका ख्यातीप्राप्त र अनुभवी चलचित्रकर्मी र कलाकारहरुको सहकार्यमा विविध कार्यशाला अन्तरक्रिया र छलफल कार्यक्रम सञ्चालन हुनेछ । यस्ता कार्यक्रमले नेपाली चलचित्रको आगामी मार्ग तयार गर्न भुमिका खेल्नेछ ।’

महोत्सवममा चलचित्र क्षेत्रका ख्यातीप्राप्त र अनुभवी चलचित्रकर्मी र कलाकारहरुको सहकार्यमा विविध कार्यशाला अन्तरक्रिया र छलफल कार्यक्रम सञ्चालन हुने बताइएको छ ।
फिल्म छनाैट समितिमा चलचित्रकर्मी साहजमान श्रेष्ठ क्यामेरामान दीपक बज्राचार्य निर्देशक ऋषि लामीछाने निर्देेशक यादव भट्टराई लेखक तथा निर्देशक पुरु लम्साल निर्देशक सङ्गीता श्रेष्ठर सविना गाेपाली रहेका थिए ।