सरकारको साझा नीति तथा कार्यक्रममा शिक्षासँग सम्बन्धित यी विषयहरू समावेश गरिएको छ ( हेर्नुहाेस् )

पुस २२, काठमाडौं । नवगठित सत्ता गठबन्धनका शिर्ष नेताहरू विच बसेकाे बैंठकले सरकारकाे न्युनतम साझा कार्यक्रम तय गरेकाे छ । सत्तारूड गठबन्धनका नेताहरू, प्रधानमन्त्री र मन्त्रीहरू बिच आज बसेकाे बैठकले उक्त साझा कार्यक्रम तयार गरेकाे हाे । सरकारले तय गरेकाे नीति तथा कार्यक्रममा शिक्षा सम्बन्धि निम्न किसिमकाे साझा कार्यक्रमहरू तय गरेकाे छ ।

गुणस्तरीय शिक्षा र शैक्षिक पूर्वाधार सम्बन्धि तयार बनाएकाे नीति र कार्यक्रमहरू यश प्रकार रहेकाे छ ।
सबैका लागि गुणस्तरीय शिक्षाको नीति अवलम्बन गर्दै पूर्ण साक्षर देश र उद्यमशील शिक्षित युवा’को नीति कार्यान्वयन गर्ने । यसका लागि

निःशुल्क तथा अनिवार्य शिक्षासम्बन्धी ऐन तथा नियमावलीको मर्म र भावना कार्यान्वयन गरी नागरिकको शिक्षा पाउने अधिकार सुनिश्चित गर्ने ।

आगामी दुई वर्षमा देशलाई पूर्ण साक्षर बनाउने ।

सबै पालिकामा प्राविधिक धारका विद्यालय सञ्चालन गर्ने

शैक्षिक सत्र सुरू हुन अगावै विद्यार्थीका हातमा अनिवार्य रुपमा पाठ्यपुस्तक उपलब्ध गराउने ।

शिक्षण पेशालाई मर्यादित बनाउने विद्यालयमा आवश्यक भौतिक पूर्वाधार निर्माण गर्ने

अपाङ्गता भएका विद्यार्थीलाई विशेष सुविधा र शिक्षाको प्रबन्ध गर्ने । विद्यालयमा उपयुक्त शैक्षिक वातावरण सुनिश्चित‍

विश्वविद्यालयहरुमा हाल देखा परेका समस्याको तत्काल समाधान गर्ने । निर्वाध पठनपाठनका लागि उपयुक्त वातावरण निर्माण गर्ने उच्चशिक्षा निम्ति विदेश जानुपर्ने बाध्यकारी अवस्थाको अन्त्य गर्ने । सरकारी अनुदानबाट लाभान्वित विद्यालय, महाविद्यालय र विश्वविद्यालयलाई रोजगारी केन्द्रित शिक्षामा जोड दिँदै स्तरीकरण गर्ने ।

विद्यालय, प्राविधिक शिक्षालय तथा उच्च शिक्षाको पाठ्यक्रम पुनरावलोकन गरी शिक्षालाई जीवनउपयोगी, आधुनिक, विज्ञान प्रविधि केन्द्रित र व्यावसायिक बनाउने शिक्षालाई अनुसन्धानमुखी बनाउने ।

सरकारी र निजी क्षेत्रको शैक्षिक गुणस्तर र उत्पादनमा रहेको अन्तरलाई न्यूनीकरण गर्दै सवै शिक्षण संस्थामा समस्तर कायम गरी गुणस्तरीय शिक्षाको प्रत्याभूति गर्ने

सार्वजनिक विद्यालय शिक्षामा व्यापक सुधार गरी नमूनाको रूपमा विकास गर्ने । शिक्षा क्षेत्रको बृहत गुरुयोजना तयार पारी आमूल परिवर्तनको प्रत्याभूति दिने ।