काठमाडौं विश्वविद्यालय स्कुल अफ एजुकेशनमा एमफिल र पिएचडीमा भर्ना आव्हान

कार्तिक २९, काठमाडौं । काठमाडौं विश्वविद्यालय स्कुल अफ एजुकेशन संकायले सन् २०२३ फेब्रुवरी ब्याचको लागि एमफिल र पिएचडीमा नयाँ भर्नाका लागि आवेदन माग गरेको छ । एमफिल र पिएचडीका विभिन्न विषय अध्ययनका लागि आवेदन माग गरेको हो ।  एमफिल इन एजुकेशनल लिडरशीप, एमफिल इन डेभलपमेन्ट स्टडीज र एमफिल इन स्टिम एजुकेशनमा अध्ययन गर्नका लागि कुनै पनि विधाको मास्टर्समा न्युनतम ५०% प्राप्तांक वा सि जिपिए ४ मध्ये ३.० अनिवार्य ल्याएको व्याक्तिले आवेदन दिन सक्ने छन् ।

एमफिल इन ईङ्गलिस ल्याङ्ग्वेजको हकमा भने मास्टर्स विषय अंग्रेजी साहित्य, अंग्रेजीभाषा, ईङ्गलिस ल्याङ्ग्वेज टिजिङ्ग वा ईङ्गलिस ल्याङ्ग्वेज एजुकेशनमा न्युनतम ५०% प्राप्तांक वा सि जिपिए ४ मध्ये ३.० हुनुपर्ने छ । त्यस्तै पिएचडी अध्ययनका लागि कम्तीमा १७ वर्षको औपचारिक शिक्षा पुरा गरेको, पछिल्लो सम्वन्धित विषयमा न्युनतम ५०% प्राप्तांक वा सि जिपिए ४ मध्ये ३.० अनिवार्य ल्याएको हुनुपर्ने छ । यसका लागि आवेदकहरुले आवेदनको साथमा अनुसन्धान प्रस्तावना पनि पेश गर्नुपर्ने छ भने एमफिल डिग्री भएको र अनुसन्धानात्मक लेखहरु प्रकाशन भएकालाई प्राथमिकता दिने विश्वविद्यालयले जनाएको छ ।

योग्यता पुगेका इच्छुक व्यक्तिहरुले मंसीर २४ गतेभित्रवेभसाइट https://soed.ku.edu.np/admission-mphil-phd मार्फत अनलाइन आवेदन दिन सक्नेछन् । त्यसैगरी लिखित परीक्षा पुस १ गते दिउँसो १२ः३० बजे हुने छ भने अन्तर्वार्ता पुस ४ गते दिउँसो १२ बजेबाट सुरु हुनेछ ।