त्रिवि व्यवस्थापन विभागमा २ दिने व्यत्तित्व विकास तालिम संचालन

असार ७, काठमाडौं । प्राज्ञिक विद्यार्थी परिषद्ले त्रिभुवन विश्वविद्यालय व्यवस्थापन विभागका विद्यार्थीहरूलाई दुई दिने व्यत्तित्व विकास तालिम संचालन गरेकाे छ ।

प्राज्ञिक विद्यार्थी परिषद्, नेपाल त्रिभुवन विश्वविद्यालय इकाई समितिले त्रिवि व्यवस्थापन विभागका विद्यार्थीहरूलाई दुई दिने व्यत्तित्व विकास संचालन गरेकाे हाे ।
व्यवस्थापन केन्द्रीय विभागकाे दाेस्राे सत्रमा अध्ययनरत विद्यार्थीहरूलाई लक्षित दुईदिवसीय जीवनाेपयाेगी शीपमा आधारित व्यक्तित्व विकास तालिममा आत्माजारण, तनाव व्यवस्थापन , रचनात्मक खेलहरू, सकारात्मक साेचकाे विकास, निर्यण लिने क्षमताकाे विकास, अन्तरव्यक्ति सम्बन्ध, सम्वेग नियन्त्रण , सामुहिक अभ्यास जस्ता महत्त्वपूर्ण विषयहरूमा परिषद्का सह संगठन सचिव रमेश कण्डेलजिले प्रशिक्षण प्रदान गर्नुभएको छ ।

NCC बैंकका नायव प्रबन्धक  अर्पण पाैडेलजीकाे प्रमुख आतिथ्यमा सुरू भएको उद्घाटन सत्रमा विद्यार्थी परिषद्का राष्ट्रिय सह-संगठन सचिव एवं तालिमका प्रमुख प्रशिक्षक श्री रमेश कण्डेल, राष्ट्रिय सचिव नारायण तिमल्सिना लगायत व्यवस्थापन केन्द्रीय विभागमा अध्ययनरत ५० जना भन्दाबढी विद्यार्थीहरूकाे उपस्थिति रहेकाे परिषद्का राष्ट्रिय सचिव नारायण तिमल्सिनाले जानकारी दिनु भएको छ ।