चैत ३ गते नर्सिङ परिषद्को लाइसेन्स परीक्षा हुने, परीक्षाका लागि आवेदन माग

काठमाडौँ, १८ माघ ।  नेपाल नर्सिङ परिषद्को नाम दर्ता प्रमाणपत्र (लाइसेन्स) परीक्षा चैत ३ गते सञ्चालन गर्ने भएको छ । पीसीएल नर्सिङ वा बीएससी नर्सिङ उत्तीर्ण गरेका परीक्षार्थीहरूले आवेदन दिन सक्ने जनाएको छ ।

परीक्षामा सहभागी हुनका लागि आवश्यक सम्पूर्ण शैक्षिक योग्यताको प्रमाणपत्र फागुन २१ गतेसम्म नतिजा प्रकाशित भई जारी भएको हुनुपर्ने जनाएको छ । आवेदन माघ २१ देखि फागुन २१ गतेसम्म बुझाउनु पर्ने छ भने दोब्बर दस्तुरमा फागुन २२ देखि २४ गतेसम्ममा अनलाइन आवेदन फाराम भरेर बुझाउनु पर्ने छ ।