परिषद्काे राष्ट्रव्यापी शैक्षिक अभियान, धनगढी नगरले गर्याै पत्रकार सम्मेलन

माघ ६, धनगढी ।
प्राज्ञिक विद्यार्थी परिषद् नेपालले गत बिहीबार काठमाडौं पत्रकार सम्मेलन गरेर घाेषणा गरेकाे राष्ट्रव्यापी शैक्षिक अभियान कार्यक्रमहरूकाे बारेमा जानकारी गराउन धनगढीमा पनि पत्रकार सम्मेलनकाे आयोजना गरिएको छ ।
परिषद्ले शिक्षा क्षेत्रकाे समग्र सुधारका लागि ’राष्ट्रव्यापी शैक्षिक अभियान २०८० देशका ७७ वटै जिल्लामा सञ्चालन गर्ने याेजनाका साथ प्राज्ञिकले धनगढीमा पनि पत्रकार सम्मेलन गरि त्यस क्षेत्रका सम्पूर्ण स्थानीय सञ्चार माध्यम, स्कुल, कलेज, क्याम्पसहरूलाई जानकारी गराएको हाे ।

शिक्षाको समग्र सुधारका लागि राष्ट्रव्यापी शैक्षिक अभियान २०८० माघ महिनाभरी देशभरका एकाइहरूमा विभिन्न रचनात्मक गतिविधिहरू गर्दै सम्पन्न गर्न लागेको प्राज्ञिक विद्यार्थी परिषद् नेपाल धनगढी नगर कमिटीले जनाएको छ ।

नेपालको शिक्षा क्षेत्रको सुधारका लागि दबाव र आधार तयार गर्ने परिषदको भनाइ छ । परिषदका अनुसार ’राष्ट्रव्यापी शैक्षिक अभियान २०८० कालागी पौष पहिलो हप्तामा प्रत्यक्ष र अनलाइन फर्म मार्फत सर्वेक्षण गरिएको थियो ।

माघ महिनाभर सञ्चालन हुने अभियानकाे सम्पूर्ण तयारी पुरागरी परिषद्ले अभियान सुरु गरेकाे बताएको छ । परिषद्ले कलेज र विद्यालयस्तरमा अन्तरकृया, चर्चा एवं बहसहरू गरिने र ७७ वटै जिल्लामा एक साथ प्रमुख जिल्ला अधिकारीमार्फत प्रधानमन्त्री, शिक्षामन्त्री र राष्ट्रपतिलाई ज्ञापनपत्र बुझाइने प्राज्ञिक विद्यार्थि परिषदले विज्ञप्तीमा उल्लेख गरिएको छ ।

विश्वविद्यालय केन्द्र र केही प्रमुख क्याम्पसमा विद्यार्थी सुनुवाई कार्यक्रम गरिने,सबै प्रदेश केन्द्र र केहि प्रमुख केन्द्रमा एक साथ यानी एवं सम्बोधन समारोहको आयोजना गर्ने, देशभरका आंगिक र सामुदायिक क्याम्पसमा मांगपत्र दिवस मनाउने र सुधारका लागि सुझाव पेस गरिने विज्ञप्तिमा उल्लेख छ ।

यस्तै शिक्षा साहित्यिक कार्यक्रम, रचना बाचन आदि कार्यक्रमहरू गरिने,केही मुद्दालाई लिएर केन्द्रमा धर्ना दिने र अनसन बस्ने राष्ट्रव्यापी शैक्षिक अभियान संयोजन समितिले जनाएको छ ।