पुल्चोक इन्जिनियरिङ क्याम्पसका निमित्त क्याम्पस प्रमुखसहित पदाधिकारीले दिए सामूहिक राजीनामा

काठमाडौं–पुल्चोक इन्जिनियरिङ क्याम्पसका निमित्त क्याम्पस प्रमुख उपप्राध्यापक लोकनाथ रेग्मीसहितका पदाधिकारीले स्वैच्छिक रुपमा आवधिक रुपमा सामूहिक राजीनामा दिएको घोषणा गरेका छन्।

पुल्चोक क्याम्पसमा इन्जिनियरिङ अध्ययन शुल्क वृद्धि भएपछि विभिन्न राजनीतिक संगठनमा आबद्ध विद्यार्थी संगठनले तालाबन्दी, क्याम्पस प्रशासनका अधिकारी, डीनलगायतका पदाधिकारीमाथि अभद्र व्यवहार प्रदर्शन गर्दै आएका छन्।

मंगलबार मात्रै विद्यार्थी संगठनसँग शुल्क वृद्धि फिर्ता लिने निर्णय भए पनि असहमति जनाउँदै क्याम्पसका पदाधिकारीहरुले सामूहिक राजीनामा दिने घोषणा गरेका हुन्।