विद्यार्थी परिषद् त्रिविद्वारा छात्राहरूलाई व्यक्तित्व तथा नेतृत्व विकास तालिम सञ्चालन

साउन १८, काठमाडौं । प्राज्ञिक विद्यार्थी परिषद् नेपाल त्रिभुवन विश्वविद्यालयले छात्रहरूलाई नेतृत्व विकास तालिमकाे आयोजना गरेकाे छ ।

विद्यार्थी परिषद् त्रिवि इकाईले त्रिभुवन विश्वविद्यालय केन्द्रीय क्याम्पसकाे साउन १७ र १८ मा अलग अलग विभागमा अध्ययनरत छात्राहरूलाई व्यक्तित्व तथा नेतृत्व विकास तालिम सञ्चालन गरेकाे हाे ।

विश्वविद्यालय केन्द्रीय क्याम्पस अध्ययनरत छात्राहरूकाे नेतृत्व तथा व्यक्तित्व विकासका लागि छात्राहरूलाई मात्र सहभागी गराएर उक्त तालिम सञ्चालन गरेकाे थियोे ।

विद्यार्थी परिषद्का राष्ट्रिय संगठन सचिव नारायण प्रसाद ढकाल प्रमुख प्रशिक्षक रहेकाे तालिममा आत्मजागरण, अनुभुती, प्रभावकारी संचार, निर्णय लिने क्षमताकाे विकास, अन्तरव्यक्तिगत सम्बन्ध, नैतिकता, राष्ट्रियता, संस्कार संस्कृति, सामुहिक कार्य, जस्ता विषयहरूकाे बारेमा व्यबहारिक, सैद्धान्तिक र प्रयाेगात्मक रूपमा तालिम सञ्चालन गरिएको कार्यक्रम संयाेजक सुजता फुयालले जानकारी दिनु भएको छ ।

तालिममा विद्यार्थी परिषद्का राष्ट्रिय संगठन सचिव नारायण प्रसाद ढकाल, केन्द्रीय सचिवालय प्रमुख दिनेश कार्की, राष्ट्रिय सचिव जानकी आचार्य, विश्वविद्यालय संयाेजक अर्जुन बगाले , समापन सत्रमा प्रमुख अतिथिको रूपमा  श्रम तथा राेजगार मन्त्रालयमा उप सचिव पार्वती अर्याल लगायत परिषद्का कार्यकर्ताहरूकाे महत्त्वपूर्ण उपस्थिति रहेकाे थियोे ।