त्रिवि आर्थिक प्रशासनको ताला खुल्यो, कार्यकक्षमा यथावत

असोज ३, काठमाडौं । त्रिविको आर्थिक प्रशासन महाशाखाको ताला करिब दुई महिनापछि खुलेको छ । असार २७ गतेदेखि उपत्यका नेविसंघले ताला लगाएको थियो ।

तालाबन्दीको कारण असारदेखि कर्मचारी, शिक्षक तलब तथा पेन्सन रोकिएको भन्दै गत भदौ २७ गते त्रिविका विभिन्न १३ वटा महाशाखा प्रमुखहरुले विज्ञप्ति जारी गरी ताला खोल्न आग्रह गरेका थिए ।  चाडबाडको मुखमा तलब रोकिँदा कर्मचारीहरु मारमा पर्ने भएकोले नेविसंघको केन्द्रिय कमिटिसँग महाशाखाहरुको पहलमा खोलिएको सूचना तथा जनसम्पर्क महाशाखाका प्रमुख योगेन्द्र प्रसाद दाहालले जानकारी दिए ।  रेक्टर, शिक्षाध्यक्ष कार्यलयमा र उपकुलपतिको सचिवालय र कार्यकक्षमा नेविसंघ त्रिवि इकाइले लगाएको ताला भने अझै यथावत रहेको छ ।                                                    नेविसंघले प्रश्नपत्र दोहोरिएको विषयमा छानबीन गर्न बनेको समितिको प्रतिवेदन सार्वजनिक हुनुपर्ने माग राख्दै ताला लगाएको छ ।