पेट्सानको १३औं बार्षिक उत्सव तथा एसइई सम्मान कार्यक्रम सम्पन्न

भाद्र ,२५ काठमाडौ । “Let All The Public Trust School Be United.” भन्ने नाराका साथ सार्वजनिक शैक्षिक गुठी बिद्यालय संघ नेपाल / पेट्सान (Public Educational Trust Schools’ Association Nepal / PETSAN) ले आफ्नो १३ औ बार्षिक उत्सव तथा एसइई सम्मान कार्यक्रम सम्पन्न गरेको छ। काठमाडौको बनस्थली स्थित शिदार्थ बनस्थली स्कुलको तेन्जिङ हलमा एक भब्य कार्यक्रम बिच सम्पन्न कार्यक्रम बिच सम्पन्न गरेको हो।

राष्ट्रिय परिक्षा बोर्डका अध्यक्ष महाश्रम शर्माको प्रमुख आतिथ्यमा, काठमाडौ महानगर शिक्षा बिभागका प्रमुख राम प्रसाद सुवेदी, दक्षिणकाली नगरपालिका प्रमुख मोहन बहादुर बस्नेत लगाएत विभिन्न शैक्षिक गूठी संस्थानका पदाधिकारीहरु र स्थानीय निकायका महत्त्वपूर्ण ब्याक्तीहरुको अतिथ्यमा उक्त कार्यक्रम सम्पन्न भएको थियो। कार्यक्रम संचालन PETSAN का महासचिव जगत बहादुर महर्जनले गर्नुभयो भने कार्यक्रमको अध्यक्षता कार्यबाहक अध्यक्ष तथा वरिष्ठ उपाध्यक्ष जे.एस. पौडेलले गर्नु भयो। उक्त कार्यक्रम प्रमुख अतिथिबाट दीप प्रज्वलन गरि राष्ट्रिय गीत बजाएर सुरुवात गरिएको थियोे ।

कार्यक्रममा मेगराज दुलालले स्वागत मन्तव्य राख्नुभयो। उहाँले एसईई टपर विद्यार्थी भाइ बहिनीहरुलाई सम्मान गर्दा बिद्यालयहरुबीच सहयोग, मेलमिलाप र साझा मुद्दाहरुको बीचमा छलफल हुने र विद्यार्थीहरुलाई समेत हौसला प्रदान हुने कुरा बताउनुभयो।” मुलतः हाम्रो एउटा पहिचानको मुद्दा छ ।” हामी निजी पनि होइनौं, पुर्ण सार्वजनिक पनि होइनौं। हाम्रो पहिचान हुन जरुरी छ। हाम्रो कुनै राजनितीक पार्टीसंग सम्बन्ध छैन, पुर्ण रुपमा शैक्षिक संस्था हो” भन्दै पहिचानको बिषयलाई जोड दिनुभयो । उहाँले माननीय प्रेम सुवालले सार्वजनिक शैक्षिक गूठीको समस्याहरुबारे संसदमा पहिलो पटक बहस गर्ने बताए ।

मन्तव्यको क्रममा कार्यक्रमका सभापतिले बोल्दै यो देशै भरि संचालित सार्वजनिक शैक्षिक गुठीहरुको  संस्थाहरु मिलेर बनेको संस्था भएकोले यसले शैक्षिक क्रियाकलापमा चम्किरहने नाफारहित छलफल नेतृत्व तहमा चलाउनुपर्ने कुरामा जोड दिनुभयो । उहाँले संस्थाहरु चलाउन नितीगत समस्याहरु रहेको,कम्पनिमा दर्ता भएका बिद्यालयलयहरुलाई सार्वजनिक शैक्षिक गूठीमा परिवर्तन नभएको,संघिय शिक्षा ऐन नआउदा शैक्षिक मुद्दाहरुबीच तालमेल नमिलेकाले कानुनी समस्याहरु झेल्नुपरेको कुरा बताए

विभिन्न सन्दर्भमा सार्वजनिक शैक्षिक गूठीले ५ बुँदे ध्यानाकर्षण पत्र बुझाएको तर ऐले सम्म सम्बोधन नभएको गुनासो गरे। हाम्रो संस्थामा पढेका विद्यार्थी छात्रवृत्ति नपाउने,शैक्षिक गूठीले कर तिर्नुपर्ने, आवस्यकताका आधारमा अनुदान दिन सकिने भएपनि सरकारको अनुदान दिन नचाहने जस्ता समस्याहरु रहेको बताए।

त्यसैगरी कार्यक्रममा प्रमुख अतिथि बोर्डका अध्यक्ष महाश्रम शर्माले मन्तव्य राखेका थिए । मन्तव्यको क्रममा उनले आफु २०४२ देखि शैक्षिक क्षेत्रमा जोडिएको कुरा राख्दै मिहेनतलाई सम्मान गर्नुपर्ने बताए। शिक्षासँग सरोकार राख्ने सबैको सहयोगमा आफू यहाँ सम्म आइपुगेका हो भन्दै मिडियाहरुबाट सकारात्मक भन्दा धेरै नकारात्मक कुरा आएकोमा गुनासो गरे। अहिले जे जति मागहरु उठेका छन् त्यसमा हामीले ध्यान केन्द्रित गरेको बताए । उहाँले आफ्नो तहबाट भन्ने, बोल्ने र मागहरुलाई सम्बन्धित ठाउमा राख्ने प्रतिबद्धता गर्दै शिक्षा भनेको सेवामुलक क्षेत्र हुनाले नाफामुलक शिक्षण संस्थाहरुलाई समेत सेवामुलक ढङ्गले चलाउने शिक्षा ऐन बनाउनु पर्नेमा जोड दिए। मन्तव्यकै क्रममा शर्माले एसइईमा गणितमा धेरै फेल भएको र १२ मा कम पास भएको भन्ने कुरा प्रणालीको मात्रै समस्या नभइ बिद्यालयहरुको पनि समस्या भएकोले सुधारमा सबै जुट्नुपर्ने बताए । परिक्षा प्रणालीपनि सुधार गर्दै बिद्यालआ हुने पठनपाठन सुदृढ बनाउँदै लानुपर्ने सुझाव दिए । अहिलेको नतिजालाई कोभिडले पनि समस्या पारेको बताए।उहाले हामीले जस्तो इम्पुट दिन्छौ, आउटपुट पनि तेस्तै खोज्ने हो, त्यसैले बिद्यालयहरुले मिहेनत नगरे परिणाममा सुधार ल्याउम नसकिने बताउनुभयो।

त्यसैगरी उहाले अवको शिक्षा सुधार गर्नुपर्ने दायित्व स्थानीय सरकारको काधमा आएको भन्दै , नयाँ स्थानिय प्रमुखहरुले शिक्षकलाई प्रश्नपत्र निर्माण र कापी जाँच गर्न तालिमको ब्यवस्था गर्नुपर्ने बताए । काठमाडौ महानगरले शिक्षामा धेरै सुधार गर्नुपर्ने बताउनुभयो। उहाले पाठ्यक्रम, सिकाइ उपलब्धि , कक्षाकोठा ब्यबस्थापन आजको सबैभन्दा ठूलो समस्या र चुनौती भएकोले यसलाई समाधान गर्नुपर्ने बताए ।

‘एकातिर अभिभावकसंग सम्बन्ध बिस्तार अर्कोतिर बिद्यालयहरु सुधार गर्दै शिक्षकहरुलाई गूड ट्रेनर बनाउनुपर्ने आजको आवस्यकता हो ‘ भन्दै कक्षा १० पछि ११ र १२ मा विद्यार्थीहरुले कठिन भन्दा कठिन मिहेनत गर्नुपर्ने र यो उमेरमा सिकाइमा ध्यान दिनुपर्ने आवश्यकतालाई उजागर गरे।

त्यस्तै कार्यक्रममा महानगर शिक्षा बिभाग प्रमुखले आफ्नो मन्तव्य राख्दै सार्वजनिक शैक्षिक गुठी ले उठाएका प्रश्नहरु पटक पटक उठेका भएपनी समाधान आउन नसकेको बताउनुभयो। उहाँले जायज किसिमका मागहरुलाई सम्बोधन गरी सार्वजनिक शैक्षिक गुठिका बिद्यालयहरुलाई सरकारी बिद्यालयको दर्जामा राख्ने भन्ने कुरा नमिलेको बताए । यस्ता सार्वजनिक गूठीहरुलाई संस्थागत बिद्यालयभित्रबाट निकालेर सामुदायिक बिद्यालयभित्र राख्न नितिगत अफ्ट्यारो रहेको कुरा बताए। मन्तव्यको क्रममा उहाँले स्थानिय तहले सबै कुरा समेट्नुपर्छ भन्नेकुरा ठिक भएपनि ऐन नियम नहुँदा अधिकार लाई कसरी प्रयोग गर्ने भन्नेकुरामा समस्या परेको छ,नियमन गर्ने अधिकारका कुरा,संघ, प्रदेश र स्थानिय निकायको काम कार्बाहीका कुरा ऎन भएमा सजिलो हुने कुरा बताए। स्थानिय तहले हेर्नुपर्ने कुरामा हाम्रो तर्फबाट सहयोग गर्ने कुरामा ढुक्क हुन आग्रह गरे।कार्यक्रममा सार्वजनिक शैक्षिक गुठी अन्तर्गत एसइई मा उत्कृष्ट नतिजा लाएका विद्यार्थीगरुलाइ प्रमाणपत्र दिई सम्मान गरेको छ। त्यसैगरी उत्कृष्ट नतिहा साँसिल गर्न महत्त्वपूर्ण भुमिका निर्वाह गर्मे शिक्षक शिक्षिकाहरुलाइ समेत प्रमाणपत्र दिई सम्मान गरेको छ। कार्यक्रममा सार्वजनिक शैक्षिक गुठी सम्बन्ध स्कुलहरुले आयोजना गरेको चित्रकला प्रतिस्पर्धा मा सहभागी भएका विद्यार्थी हतुलाइ प्रमाणपत्र र प्रथम, द्वितीय तृतीय र चौथो (सान्त्वना) स्थान हासिल गर्ने विद्यार्थी र स्कुलहरुलाइ प्रमाणपत्र, मेडल तथा ट्रफी दिएर सम्मान गरेको छ।