खानेपानी लिमिटेड महांकाल चौर शाखाका सिनियर प्लम्वर गणेश बहादुर खुलाल घुस सहित पक्राउ

काठमाण्डौ ,साउन ३१। काठमाडौं उपत्यका खानेपानी लिमिटेड, महांकाल चौर शाखा कार्यालयमा कार्यरत सिनियर प्लम्वर गणेश बहादुर खुलाल पक्राउ परेका छन।

खानेपानी धारा जडानका लागि सेवाग्राहीसँग घुस/रिसवत माग गरेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोग, टंगालबाट खटिई गएको टोलीले निज गणेश बहादुर खुलाललाई सेवाग्राहीबाट रु.५,०००।- (पाँच हजार रुपैयाँ) घुस/रिसवत बापतको रकम लिइसकेको अवस्थामा पक्राउ गरेको अख्तियारले जानकारी दिएको छ।

उक्त रकमसहित निजकै कार्यकक्षबाट मिति २०७९।०४।३१ गते नियन्त्रणमा लिई थप अनुसन्धान भइरहेको छ ।