काठमाडौंको गोकर्णेश्वरमा कांग्रेसका रिसाल र एमालेकी लामा विजयी

काठमाडौँ — काठमाडौंको गोकर्णेश्वर नगरपालिका प्रमुखमा नेपाली कांग्रेसका दीपककुमार रिसाल र उपप्रमुखमा नेकपा एमालेकी सान्नानी लामा विजयी भएकी छिन्। प्रमुखमा निर्वाचित रिसालले ९ हजार ६ सय ९२ मत प्राप्त गरेका छन् ।

उनको निकटतम प्रतिद्वन्द्वी नेकपा एमालेका उद्धव विष्टले ८ हजार ५ सय ४ मत प्राप्त गरेका थिए ।

त्यसैगरी उपप्रमुखमा निर्वाचित नेकपा एमालेकी लामाले ८ हजार ८ सय ४ मत प्राप्त गरिन् । कांग्रेसकी शान्ति नेपाललाई ८ हजार ६ सय ७१ मत प्राप्त गरेकी छिन् । गोकर्णेश्वरको ५ वडा एमालेले जितेको छ । एमालेले वडा नम्बर १, २,३, ६, ७ अध्यक्ष जितेको छ भने कांग्रेसले ५, ८ र ९ नम्बर वडामा जित हासिल गरेको छ । स्वतन्त्रले वडा नम्बर ४ मा अध्यक्ष जितेको छ ।

२०७४ सालमा भएको स्थानीय चुनावमा कांग्रेसले प्रमुख तथा उपप्रमुख र बहुमत वडाध्यक्ष जितेको थियो । काठमाडौंका शंखरापुरा, बुढानीलकण्ठ, टोखा, तारकेश्वर, कीर्तिपुर, दक्षिणकाली नगरपालिकको परिणाम सार्वजनिक भएको छ ।