माध्यमिक तहकाे अध्यापन अनुमति पत्रकाे लागि अनलाइन दरखास्त खुला

काठमाडौं, साउन ३१ – शिक्षक सेवा आयोगले माध्यमिक तहको अध्यापन अनुमति पत्रका लागि अनलाइन दरखास्त खुला गरेको छ। आयोगले २०५७ को शिक्षक सेवा आयोग नियमावली (संशोधनसहित) अनुसार न्यूनतम योग्यता पूरा गरी तोकिएको तालिम प्राप्त गरेका इच्छुक व्यक्तिहरूलाई अनुमति पत्रका लागि आवेदन दिन आह्वान गरेको हो।

आयोगका अनुसार आवेदकहरूले आयोगको आधिकारिक अनलाइन दरखास्त प्रणाली https://license.tsc.gov.np मार्फत मात्र दरखास्त दिन सक्नेछन्। अनलाइन दरखास्त दिने प्रक्रिया तथा आवश्यक विवरण आयोगको वेबसाइट www.tsc.gov.np मा प्रकाशित गरिएको सूचनाबाट प्राप्त गर्न सकिने छ।

यसअघि २०८१ साउन १३ गते आयोगले गरेको निर्णयअनुसार आवेदन प्रक्रिया तथा मापदण्डसम्बन्धी सम्पूर्ण विवरण सार्वजनिक गरिएको हो।