सेवा र विकासका लागि युवाद्वारा : गोकर्ण माविकी छात्रा तारादेवी तामाङलाई छात्रवृत्ति वितरण

काठमाडौं, असार । “सेवा र विकासका लागि युवाको समन्वय”मा गाेकर्ण मा.विका विद्यार्थीलाई छात्रवृत्ति वितरण गरिएको छ ।  ओरेगन नेपाली समाज, अमेरिका‌को आर्थिक सहयोगमा काठमाडौंको गोकर्ण माध्यमिक विद्यालयमा अध्ययनरत कक्षा १० की छात्रा सुश्री तारादेवी तामाङलाई छात्रवृत्ति वितरण गरिएको हाे।

एक विशेष कार्यक्रमका बीच सम्पन्न छात्रवृत्ति वितरण समारोहले आर्थिक रूपमा कमजोर पृष्ठभूमिका प्रतिभावान विद्यार्थीलाई शिक्षामा निरन्तरता दिन प्रेरणा दिएको छ। छात्रा तारादेवी तामाङ विगतदेखि नै अध्ययनशील, अनुशासित र मेधावी विद्यार्थीका रूपमा चिनिएकी छन्।

कार्यक्रममा विद्यालय प्रशासनले ओरेगन नेपाली समाज तथा कार्यक्रम संयोजक “सेवा र विकासका लागि युवाको समन्वय”लाई हार्दिक धन्यवाद व्यक्त गर्दै आगामी दिनमा पनि यस्ता कार्यक्रमले अझ धेरै विद्यार्थीलाई सहयोग पुर्‍याउने विश्वास व्यक्त गरेको छ ।

विद्यार्थी तारादेवीले छात्रवृत्तिबाट प्राप्त सहयोगले आफूलाई अध्ययनमा अझ प्रेरित बनाएको बताउँदै सबै सहयोगी संस्थाप्रति आभार व्यक्त गरेकी छिन्

यस अभियानले प्रवासी नेपाली समाज र स्वदेशमा रहेका शैक्षिक संस्था तथा विद्यार्थीबीच सकारात्मक सम्बन्धको उदाहरण प्रस्तुत गरेको छ।

कार्यक्रममा समाजसेवी एवम् पूर्व सशस्त्र प्रहरी शम्भु उप्रेती, सेवा र विकासका लागि युवाका कार्यक्रम संयाेजक प्रकाश शर्मा विद्यालयका प्राचार्य, शिक्षक र विद्यार्थीहरूकाे विशेष उपस्थिति रहेको थियोे ।