नवलपुरकाे जनक मा.विका दुई विद्यार्थीलाई सेवाद्वारा छात्रवृत्ति वितरण

काठमाडौं । सेवा र विकासका लागि युवाको समन्वय र ओरेगन नेपाली समाज अमेरिकाको आर्थिक सहयोगमा नवलपुर गैडाकोटमा रहेको श्री जनक नमुना माध्यमिक विद्यालयका विद्यार्थीलाई छात्रवृत्ति वितरण गरेको छ ।

जनक नमुनाकाे कक्षा ९ मा अध्ययनरत छात्रा स्मृति राउत थारु र करिना बिश्वकर्मालाई छात्रवृत्ति वितरण गरेको सेवाले जनाएको छ।

कार्यक्रममा बोल्दै सेवा र विकासका लागि युवाका अध्यक्ष देबेन्द्र कन्डेलले “विद्यार्थी देशका गहना हुन भबिष्यका कर्णधार भएकाले उनीहरुको हातमा नै भोलिको नेपाल रहेको छ तसर्थ आजका विद्यार्थी नानीबाबूलाई सहयोग गर्नु हामी सबै साझा कर्तव्य रहेको बताउनु भएको थियोे । सेवा र विकासका लागि युवाका राष्ट्रिय संयोजक प्रकाश कुमार शर्माले विद्यार्थी भाइबहनिहरू भोलि नेपालको रहेक क्षेत्रमा गएर काम गर्ने हुनाले आजबाट हरूलाई संस्कार युक्त शिक्षा दिन सकियो भने मात्र भोलि ती क्षेत्र राम्रो बन्दै जाने बताउनु भयो ।

कार्यक्रमा सेवा र विकासका लागि युवाका राष्ट्रिय अध्यक्ष डा देबेन्द्र कन्डेल, प्राज्ञिक बिद्यार्थी परिषद नेपालका गण्डकी प्रदेश संगठन सचिव नारायण प्रसाद तिमिल्सिना, सेवा र विकासका लागि युवाका राष्ट्रिय कार्यक्रम संयोजक प्रकाश शर्मा, विद्यालयका प्राचार्य चुरामणी शर्मा कन्डेलको उपस्थिती रहेको थियो।