बुढानिलकण्ठ स्कुल तथा साझेदारी कार्यक्रममा छात्रवृत्तिको लागि आवेदन माग

कक्षा ५ देखि आवासीय रूपमा निःशुल्क वा सहुलियत शुल्कमा अध्ययनका लागि विपन्न समुदायका जेहेनदार बालबालिकाहरू मध्येबाट छात्रवृत्तिमा छनोट गरी आवासीय सुविधा सहित अध्यापन गराउनका लागि आवेदन माग गरिएको छ।

आवेदन आगामी चैत २६ गते १० बजे देखि ४ बजे सम्म र चैत २७ गते ८ बजे देखि १० बजेसम्म आवेदन बुझाउनु पर्ने सूचनामा उल्लेख गरिएको छ । साथै लिखित परीक्षा चैत २७ गते ११ बजे संचालन हुने छ।

छनोट हुनकोलागी बि.सं.लागी २०७१/०१/०१ देखि २०७२/१२/३० गते सम्म जन्म भई कम्तीमा कक्षा ३ र कक्षा ४ मा सामुदायिक विद्यालयमा नियमित रूपमा अध्ययन गरेको र शैक्षिक सत्र २०७९ मा कक्षा ४ अध्ययन पूरा गरेको र अभिभावकको बसोबास भएको जिल्ला वा छिमेकी जिल्लाको सामुदायिक विद्यालयमा नियमित रुपमा अध्ययन गरि शैक्षिकशत्र २०८१मा कक्षा ४ अध्ययन पूरा गरेका छात्र छात्रा मध्ये भौगोलिक क्षेत्र तथा लक्ष्यित समुदायको प्रतिनिधित्व हुनेगरी लिखित प्रतियोगितात्मक परिक्षाको नतिजाको योग्यताक्रमका आधारमा अन्तर्वार्ताबाट विद्यार्थी छनोट गरिने छ।

दरखास्त फाराम bnks.edu.np वा cehrd.gov.np वा moest.gov.np बाट डाउनलोड गरी रीतपूर्वक भरेर दरखास्त फाराममा तोकिए बमोजिम सिफारिस तथा प्रमाणित गराई आवश्यक कागजात सहित आफ्नो जिल्लालाई तोकिएका परीक्षा केन्द्रमा बुझाउनुपर्नेछ ।

पाठ्यक्रम कक्षा ४ मा पढाइ हुने विषयहरू नेपाली, अङ्ग्रेजी, गणित, विज्ञान र सामाजिक शिक्षा/सामान्य ज्ञान ४० प्रतिशत वस्तुगत र ६० प्रतिशत विषयगत हुनेछन्।

बुढानीलकण्ठ स्कुलका निमित खुला तथा आरक्षण सिटको सङ्ख्या ४२ (५०% छात्रा रहने) र खुला र आरक्षणतर्फ गरी एक जिल्लाबाट एक जनाभन्दा बढी नहुने गरी ४० जना विद्यार्थी छनोट गरिने छ। साथै आरक्षण सिट लोपोन्मुख२. दलित ४. मुस्लिम १. मधेसी ४, जनजाति-५ र पिछडिएको क्षेत्र-२ । र विद्यालय रहेको स्थानीय तह बूढानीलकण्ठ नगरपालिका भित्रका २ जना (एक छात्र र एक छात्रा) रहने छन्।

साझेदारी कार्यक्रम अन्तर्गतका साझेदारी स्कूलका निमित्त उपलब्ध भएसम्म जिल्ला नदोहोरिने गरी जम्मा ७७ जना विद्यार्थी छनोट गरिनेछ। यसमा आरक्षण (दलित ५. मुस्लिम २. मधेसी ६, जनजाति ९. सहिद तथा द्वन्द्वपीडित परिवारका सन्तति र वैदेशिक रोजगारीको क्रममा मृत्यु भएको परिवारबाट १२ छात्रा कम्तीमा २६ जना)।

साझेदारी कार्यक्रमका सहभागी विद्यालयहरू:

१ शीतलादेवी माध्यमिक विद्यालय, धनकुटा

२ नवजीवन माध्यमिक विद्यालय, जुटपानी, सर्लाही

३. कुलेश्वर आवास माध्यमिक विद्यालय, कुलेश्वर, काठमाडौँ

४. बालमन्दिर माध्यमिक विद्यालय, लुम्ले, कास्की

५ जनता माध्यमिक विद्यालय, पाल्पा E वीरेन्द्र विद्यामन्दिर माध्यमिक विद्यालय, टीकापुर, कैलाली आवेदन दस्तुर रु. १००/- (एक सय मात्र)।

दरखास्त साथ पेस गर्नुपर्ने कागजातहरू:

(१) तोकिए बमोजिमको दरखास्त फारामका साथ देहायका कागजातहरू पेस गर्नुपर्नेछ।

(क) माग गरिएको विवरण मरी तोकिए बमोजिमका व्यक्ति (सम्बन्धित प्रधानाध्यापक र स्थानीय तहको शिक्षा प्रमुख) बाट प्रमाणित गरिएको दरखास्त फाराम,

(ख) स्थानीय तहले आमा-वाबु/संरक्षकको मासिक आम्दानी समेत खुलाई दिएको विपन्नताको सिफारिस पत्र.

(ग) स्थानीय पञ्जिकाधिकारीले प्रदान गरेको विद्यार्थीको जन्मदर्ताको प्रमाण पत्र,

(घ) स्थानीय तहबाट अभिभावक र विद्यार्थीसँगको नाता खुलाइएको पत्र,

(ङ) अभिभावक संरक्षकको नेपाली नागरिकता प्रमाण पत्रको प्रतिलिपि, स्पष्टीकरण अभिभावक भन्नाले हजुरबुवा, हजुर आमा, बाबु, आमा, दाजु वा दिदीलाई जनाउँछ।

(ङ) अघिल्ला २ शैक्षिक सत्रको कक्षा, विद्यालय कोड, विद्यार्थी ID सहित अद्यावधिक IEMIS मा भएको विद्यार्थीको सम्बन्धित विद्यालयहरूबाट प्रमाणित विवरण।

(च) आरक्षित स्थानमा उम्मेदवार हुन चाहने देहायका समूहका व्यक्तिले दरखास्त साथ देहाय वमोजिमको निकायको सिफारिस पत्र:

अ) जनजातिको हकमा आदिवासी/जनजाति उत्थान राष्ट्रिय प्रतिष्ठान वा सम्बन्धित जिल्ला प्रशासन कार्यालयबाट,

आ) दलितको हकमा राष्ट्रिय दलित आयोग वा सम्बन्धित जिल्ला प्रशासन कार्यालयबाट,

इ)। मधेसी समुदायको हकमा मधेसी आयोग वा सम्बन्धित जिल्ला प्रशासन कार्यालयबाट,

ई) मुस्लिम समुदायको हकमा मुस्लिम आयोग वा सम्बन्धित जिल्ला प्रशासन कार्यालयबाट,

उ) वेपत्ता पारिएका व्यक्ति वा सहिद परिवार तथा घाइते वा निजको सन्तति (छोरा-छोरी) की हकमा गृह मन्त्रालय वा सम्बन्धित जिल्ला प्रशासन कार्यालयवाट,

ऊ) पिछडिएको दुर्गम क्षेत्रका हकमा सम्बन्धित स्थानीय तहबाट हालसम्म सोही स्थानमा स्थायी बसोबास रहेको र निज विद्यार्थीले कक्षा ३ र ४ सामुदायिक विद्यालयमा अध्ययन गरेको मनी खुलाइएको।

(२) तोकिएको परीक्षा केन्द्रमा परीक्षाका लागि निर्धारित दिनमा सम्बन्धित अभिभावकले परीक्षा सञ्चालन टोलीसमक्ष दरखास्त फाराम तथा आवश्यक कागजातहरू पेस गर्नुपर्नेछ ।

दरखास्त फाराम भर्दा ध्यान दिनुपर्ने कुराहरू:

(१) रीतपूर्वक नभरिएको फाराम स्वतः रह हुनेछ ।

(२) जिल्लालाई तोकिएका केन्द्रहरूबाहेक अन्य केन्द्रबाट परीक्षा दिन पाइने छैन। जिल्ला भन्नाले विद्यार्थी कक्षा ४ मा अध्ययन गरिरहेको सामुदायिक विद्यालय रहेको जिल्ला सम्झनु पर्छ।

(३) सम्बन्धित अभिभावकको एक सन्तान बूढानीलकण्ठ स्कुलमा अध्ययनरत भएमा निजको अर्को सन्तानलाई बूढानीलकण्ठ स्कुलको हकमा छात्रवृत्ति प्रदान गरिने छैन।

मासिक रु. ५०,०००/- (पचास हजार) वा सोभन्दा बढी आय हुने अभिभावक वा नेपाल सरकारको उपसचिव वा सो सरह र सोभन्दा माथिको पदमा कार्यरत कर्मचारीका छोरा छोरी छात्रवृत्ति छनोट परीक्षामा सहभागी हुनसक्ने छैनन् ।