काठमाडौं । कक्षा १२ उत्तीर्ण गरेर स्नातक अध्ययन गर्न चाहने विद्यार्थीहरूलाई लक्षित गर्दै साझा इन्ट्रान्सले भोलि बिहीवार नि:शुल्क मक टेस्ट आयोजना गर्ने भएको छ ।

पाटन कलेज फर प्रोफेसनल स्टडिज (पीसीपीएस) सँगको समन्वयमा साझा इन्ट्रान्सले बीएससी सीएसआईटी, बीसीए, बीआईटी, बीबीए र बीएचएम कार्यक्रमको मक टेस्ट आयोजना गर्न लागेको हो ।

पीसीपीएसको प्राङ्गणमा हुने मक टेस्टमा जोकोहीले नि:शुल्क सहभागिता जनाउन सक्नेछन् । मक टेस्टसँगै १० जना भाग्यशाली सहभागीले ल्यापटप, मोबाइल, इयरबड्स जस्ता उपहार जित्न सक्ने बताइएको छ । ​

साझा इन्ट्रान्सको कार्यालय, पाटन अस्पताल र बानेश्वरबाट पीसीपीएससम्म पुग्न  नि:शुल्क बसको व्यवस्था गरिएको भने भने विद्यार्थीका लागि खाजाको पनि व्यवस्था छ । मक टेस्ट बिहान ८ बजेदेखि १० बजेसम्म मात्र हुने कम्पनीले जनाएको छ । यसबारे थप बुझ्न यहाँ र मक टेस्टमा सहभागी हुन यहाँ क्लिक गर्नुहोस् ।