बंगलादेशमा हिन्दू–बौद्ध र अल्पसंख्यक समुदायमाथी आक्रमण बढ्यो

 काठमाडौं २२,साउन । दुई महिनादेखि जारी हिंसात्मक प्रदर्शनका कारण बंगलादेशकी प्रधानमन्त्री शेख हसिना १५ वर्षपछि सत्ताबाट बाहिरिन् भनें सोमवार उनी भागेर भारत आइन् । शेख हसिना आजै भारतबाट फिनल्याण्ड तर्फ प्रस्थान गरेको भारतीय सञ्चार माध्यमले बताएका छन् ।

प्रधानमन्त्री हसिनाले स्वतन्त्रता संग्रामका सेनानीका परिवारलाई सरकारी रोजगारीमा ३० प्रतिसत आरक्षण दिए पछि सो मुद्दालाई लिएर विद्यार्थीले आन्दोलन गरेका थिए । सोही कारण हसिनाले सोमबार राजीनामा दिन बाध्य भइन् ।

आन्दोलनमा इस्लामिक चरमपन्थी संगठनको घुसपैठ भएको र बंगलादेशमा हसिनाको पार्टी अवामी लिगका नेता र हिन्दू समुदायका नेता, मन्दिर, अल्पसंख्यकहरूको घरहरूमा आक्रमण बढेको छ । अल्पसंख्यक बौद्ध, इसाई समुदायमाथी पनि उग्रवादीले आक्रमण गर्न थालेका छन् ।

आन्दोलनको आडमा हिन्दू–बौद्धलगायतका समुदायमाथी आक्रमण बढे पछि १ करोड भन्दा बढी भारत पलायन हुन सक्ने भन्दै विश्लेषकले भारतसरकारलाई सचेत गराएका छन् ।

हिन्दू मन्दिरमा तोडफोड गरिएको र हिन्दूको हत्या गरिएका तस्विरहरु सामाजिक सञ्जालमा पोष्ट गरिएका छन् ।