शिक्षामा राजनीतिकरणकाे अन्त्य गर्ने शिक्षा मन्त्री श्रेष्ठकाे प्रतिवद्धता

शिक्षा विज्ञान तथा प्रविधि मन्त्री सुमना श्रेष्ठले शिक्षामा राजनीतिकरणकाे अन्त्य गर्ने बताएकी छन्। देशभर सामुदायिक विद्यालयमा कार्यरत शिक्षक, प्राध्यापक र कर्मचारीहरूलाई कुनै पनि राजनीतिक दलको सदस्यता नलिन निर्देशन दिएकी हुन्।

बाहालवाला  शिक्षक कर्मचारी राजनैतिक दलको सदस्य तथा संगठित सदस्य  समेत नहुन  कडा निर्देशन दिदैँ मन्त्री श्रेष्ठले दलको नेता शिक्षक भएसम्म विद्यालय तथा विश्वविद्यालयका शिक्षकलाई कानुनले समेत दलको सदस्य हुन बन्देज लगाएको हुनाले कोही शिक्षक दलको सदस्य वा स.गठित सदस्य भएमा कानुन अनुसार कारबाही गर्ने बताएकी हुन्।

शिक्षालाई गुणस्तरीय बनाउन शिक्षण सिकाइ क्रियाकलाप सञ्चालन गर्नु अपरिहार्य भएको हुनाले कोही दलको सदस्य भएमा मन्त्रालयमा उजुरी गर्न आव्हान गरेकी छिन् ।उनका अनुसार, ‘शिक्षाक्षेत्र दलीय राजनिति मुक्त बनाउनैपर्छ।’

प्रचलित कानुनको स्मरण गराउँदै शिक्षण सिकाइ क्रियाकलापमा संलग्न शिक्षक, प्राध्यापक र कर्मचारीहरूले राजनीतिक दलको सदस्य हुन नहुने व्यवस्था रहेको स्मरण गराएकी छिन्। उनले शिक्षा ऐन, २०२८ को दफा १६ (ङ) को उपदफा (५) को खण्ड (छ) बमोजिम कानुनी कारबाही गर्न मन्त्रालय प्रतिबद्ध रहेको बताइन्।