त्रिविका विद्यार्थीहरूद्वारा प्रिन्सिपल कार्यालयमा तोडफोड

काठमाडौँ । त्रिविका विद्यार्थीहरूले त्रिभुवन विश्वविद्यालय प्रिन्सिपल कार्यालयमा तोडफोड गरेका छन् । प्रधानमन्त्री कप पुरूष राष्ट्रिय क्रिकेट प्रतिगियोगिता २०८० को बागमती प्रदेशको छनौटमा फर्जी विद्यार्थी पठाएको भन्दै विद्यार्थीहरूले तोडफोड गरेको हो । प्रिन्सिपलको कार्यकक्षमा तोडफोड गरिएको हो ।

बागमती प्रदेश क्रिकेट संघले प्रधानमन्त्री कप प्रतियोगिताका लागि त्रिविका विद्यार्थीको नाम पठाउन भन्दै पत्राचार गरेको थियो । प्रिन्सिपल कार्यालयले कोच, म्यानेजरसहित गरेर २१ जनाको नाम पठाएको थियो ।

त्रिविका स्ववियु सभापतिले ७÷८ जना बाहिरका आफ्ना मान्छेहरू हालेका आराेप लगाउदै  ताेडफाेड गरिएको श्राेत बतायो । प्रिन्सिपल कार्यालयले विद्यार्थीको आईडी कार्ड रूजु गरेर पठाउनुपर्नेमा त्यस्तो नगरेको देखिएकाेले यस्तो कार्य भएको श्राेतले बताएकाे छ ।  विश्वविद्यालयकै विद्यार्थीहरूले भाग लिन पाउनुपर्ने भन्दै  प्रिन्सिपल कार्यालयमा तोडफोड गरेको एक विद्यार्थीले बताए ।