कपनको खोला खोल्न महानगरले चलायाे डाेजर , खोला नखोल्न बुढानीलकण्ठ नगरपालिकाकाे दबाव

हरेकवर्ष वर्षामा डुबानका कथा र भिडियोको पर्याय बनिरहेको कपन क्षेत्रमा काठमाडौं महानगरपालिकाको डोजर पुगेको छ । खोला पुरिएको स्ल्याव हटाउन महानगर दलबलसहित कपन क्षेत्रको खोलामाथि पुगेको हो । महानगरले स्ल्याब हटाउन डोजर चलाएको छ ।

बुढानिलकण्ठ नगरपालिकाको वडा नं १० र  काठमाडौं महानगरपालिका वडा नम्बर ७ को सीमाना पर्ने कपन खोलामाथि राखिएको स्ल्याब हटाउन डोजरसहित महानगरको नगरप्रहरीको टोली पुगेपछि स्थानिय वासिन्दा आन्दोलनमा उत्रिएका छन् । स्थानीयवासी स्ल्याब नहटाउन प्रयत्न गरिरहेका छन् ।

बुढानीलकण्ठ वडा नं १० का वडाध्यक्ष पनि स्ल्याब हटाएर खोला खोल्ने विपक्षमा देखिएका छन् । उनले आफ्नो समाजिक सन्जालमार्फत खोला खोल्न नहुने अभिमत प्रकट गरेका छन् ।

स्ल्याब हटाउन गएको महानगरको नगरप्रहरी र स्थानीयबीच सामान्य झडपसमेत भएको थियो । स्थानीयहरुबीच झडप भएपछि महानगरको वडा नम्बर ७ का वडाध्यक्ष र बुढानिलकण्ठ नगरपालिकाको मेयर बीच वार्ता भएको छ ।